Архив тегов | Qəriblik

DEPORTASİYA

Сен20

20230721_135628

Ölümün qəribə cəhətləri var:

Qayda, nizam gəlir onunla bəzən.

Başlayaq ondan ki, təmiz yuyurlar,
Geyirsən təzə və ağappaq kəfən.

 +

Görmədiyi günə düşür çox insan,

Yığışıb gəlirlər, ağlayan da var.

Tapıb danışırlar yaxşı söz ondan,
Borclunun borcunu bağışlayırlar.

 +

Qərib ölən isə  ölümdən görür,

Atadan-anadan görmədiyini.

İndi sənədi var, sənəddə möhür,

Bir poqonlu ona söz deməz yəni.

 +

Ədəbli, abırlı yola salınar,
İcma yas pulu da düzəldib yəqin.

Sərhədin açılmaq ehtimalı var:

Daş deyil ürəyi prezidentin!

 +

Mərhum soydaşımın üçcə gün əvvəl,
Ağlına gəlmirdi vətənə gedə.

Deportasiya da eləsəydilər,

Min bir hoqqa ilə gələrdi bir də.

 +

İndisə dalaraq sükuta gedir,
Lap danışa bilə, nə deyər axı?

Vətəndən — yaşayan, sağ gileylidir,

Ölənə vətənin hər cürü yaxşı…

 +

Fərman icrası tək gəlir ölümlər,
İstə ya istəmə — yola çıxırsan,

Deportasiyadır hər ölüm elə,

Dönməyə heç kimin yox amma şansı…

 

20.09. 2024, Samara

 

…EV №26, DOSTUM CƏFƏRƏ

Ноя7

Elə həminkiyəm, bilmək istəsən,

Sıravi qocanın adi həyatı.

Pensiya ödəyir rus hökuməti,

Çatar boğazacan yeyib-içməsən.

 +

Rus davam eləyir müharibəyə,
Yekdil dəstəkləyir Putini də xalq,

Milyonlar ölümə gedir qalxaraq,
Kim ayrı söz desə, gedir türməyə.

 +

Mən heç danışmıram — ayrı söz nədir! —
Dilim dinc həmişə, başım aşağı.

Ya “bəli” deyərən, ya “yox” uzağı,

Sükut içində də günlərim gedir.

 +

Ömür də uzandı gözlənilmədən,
Gün var, həvəssə yox gün keçirməyə,

Bilmirsən cəzadır yoxsa hədiyyə.
Bu haqda özün nə fikirdəsən sən?

 +

Yetişdim yetmişə — bu rəqəm çətin,
Ali riyaziyyat məsələsindən.
Dolaşıb qalıram, çünki kütəm mən,
Qəlbdə, həm beyində ağrısa kəskin…

 +

Doğrultdum əsaslı şübhələrini,

Mənə əzizlərin və yaxınların,

Qaçmadım dalınca adın və varın,
Haqlıdır “uğursuz” görənlər məni.

 +

Təkcə uzaq deyil, yaddır həm Vətən,

Unudulur, ölür nə yazıramsa.
Özüm yaşayıram, canlııyam, sağam,

Nə etmək, belə bir klassikəm mən…

07.11. 2023, Samara

«İSA SEVGİSİNİN YOX İDİ HƏDDİ…»

Янв27

İsa sevgisinin yox idi həqqi,

Çirkini həm sevib, gözəli həm də.

Sevib müstəbidi, sevib həqiri,
Bitib-tükənməzdi onda rəhm də.

—

Acıyıb məzluma, həm də zalıma,

Zənginə acıyıb, aca acıyıb.

Qucub cüzamlını, öpüb alnını,
Korun tüpürcəklə gözünü acıb.

—

İlahi! Həqirəm mən, həm də miskin!

Sevgim öz ölkəmə itib nə vaxtdan.

Adı çəkiləndə ürəyim əsmir,
Getməyə, görməyə atmıram da can.

—

İsa nemətindən mənə ver azca,

Sevim öz ölkəmi əhalisiylə.

Dövləti başından aşanı, acı,

Sevim yad insanı, düşməni belə.

—

Sevim müstəbidi, qan içəni də,

Əzib soydaşını incidəni də,
Ağladanı, zəhər içirdəni də,
Yalandan Qurana and içəni də.

—

Sevim eybəcəri, gözəli sevim,
Sevim qəhrəmanı, sevim qorxağı.

Nə qazancım olsun, nə də ki, evim,

Ancaq hamı kimi sevim torpağı.

—

Tüpürcəyinə də həqir qulunun,

İsa qüdrətini, Tanrı, ver ancaq,
Sürtüm gözlərinə ölkəmin onu,

İsa tək torpaqla qarışdıraraq.

27. 01. 2022, Samara

«QƏRİBƏ YERDƏYƏM MƏN…»

Мар11

U LENİ. KİNO

Qəribə yerdəyəm mən,
Dili də qəribədir.

İsim nə qədər desən,
Sifət hər şeyə birdir.

—

Kişi rus kişisidir,
Qadın rus qadınıdır,

Rus küləkləri əsir,
Yağır rus qarı burda.

—

Rus göyüdür göy ancaq,

Günəş rus günəşidir.

Rus ağacıdır ağac,

Meşə rus meşəsidir.

—

Burda Volqa rus çayı,

Rus çörəyidir çörək,

Eşq rus eşqi sayılır,

Rus ürəyidir ürək.

—

Bu yerə düşüb əsir,
Əsrdir yaşayıram.

Rus küləkləri kəsir,
Döyür rus yağışları.
—

Aşılayır dərimi,
Haçandır rus iqlimi.

Bircə bacara bilmir,
Dəyişdirə dilimi.

—

Bilmirəm rus ürəyi,
Rus məhəbbəti nədir,

Ancaq rus qəribliyi,

Ürəyimi göynədir…

 

11. 03. 2021, Samara

YAŞADIĞIN ÖLKƏ RUSİYADIRSA…

Май5

U LENİ. KİNO

Yaşadığın ölkə Rusiyadırsa,
Və özgə dildəsə yazdığın əgər —
Nə şeir, nə də ki, əsər sayılar,

Dəyəri oyuncaq əskinas qədər.

 

 

Pula bənzəsə də, yox məzənnəsi,
Uşağın başını bəlkə aldadar.

Özün qızarırsan, kiməsə versən,

İtirər özünü, çaşar alan da.

 

 

Oyuncaq biletdir yazdığın ya da,
Nə səni aparar, nə də özgəni.

Qatarlar nizamla keçər yanından,

Durarsan, yollara gözün zillənər.

 

 

Elə bil uşaqsan, qələbəlikdə,
Birdən itirmisən ata-ananı.

Yumşaq ürəklilər tökülüb gəlir,
Soruşurlar kimsən, nədir ünvanın.

 

 

Duruxub qalırsan, tutulur dilin –

Beləcə bir ömrün zəhməti itir…
Misralar yazmısan bəlkə neçə min,

Ünvana möhtacsan ikicə sətir.

 

05.05.2020, Samara

MESSENCER          

Фев28

2

Bir zaman vətəndən beş aya gedən,
Hər kəsi yaxınlar qərib bilirdi.

Şəkli asılırdı yuxarı başdan,
Qərib canına da and içilirdi.

 

Məktub yazılırdı hər gün az qala,
Marka çıxardanı qarğıyırdılar.

Məktubu gətirən muştuluq alar,
Məktub saxlanardı ipək sarıqda.

 

Hərdənbir, Novruzda Yeni ildə ya,
Zəng sifariş verib danışardılar.

Bir kəlmə deyən tək ana ağlayar,
Kövrəlib ağlardı o başdakı da…

 

İndi messencerlər…rabitə müftə,
Yox yaxın ya uzaq indi dünyada.

Zəng elə, haranı ürəyin istər,
Yaxının, əzizin düşən tək yada.

 

De necə yatırsan, necə yeyirsən,

De haran ağrıyır, necə ağrıyır.

Göstərə bilərsən, ayıb deyilsə,
Ağrıyan yerini, pis nə var axı…

 

 

Göstər mebelini, yatacağını,
Kamera önünə yığ uşaqları.

Göstər küçənizi, qapı-bacanı,

Göstər fərasətlə yığıdığın varı…

 

 

İndi nə qəriblik… Yurdunu hər an.
Sənə göstərərlər canlı yayımda.

Daha qəriblikdən üzülmür insan,
Yox daha qəribi qərib sayan da.

 

 

Ayrı azar olur…Sovxanın adı,
Dilin ucundadır… Hə, depressiya.

Bilmirsən qəlbini nədir sızladan,
Küsür iştahınsa çörəyə, suya…

 

 

Danışa bilsəydim anamla indi…

“Məmə, azarlısan? Haran ağrayır?”

“Heç yerim… Yaxşıyam…” anam deyəndi,

Susardıq, ikimiz birdən ağlayıb…

 

28. 02. 2020, Samara

 

KÖHNƏ BİLET

Фев11

U LENİ. KİNO

Nəsə axtaranda, təsadüfən ya,
Tapırsan lap köhnə bileti birdən.

Atmağa gəlməyib əlin haçansa,

Səfərdən yadigar bəlkə bilmisən.

 

 

Təyyarə bileti, ya da ki, qatar,

Saxlanıb əlfəcin əvəzi bəlkə.

Tapanda kitab da yadında çıxar,
Biletə baxarsan, gözün yol çəkər…

 

 

Dinər qulağında mühərrik səsi,
Uçuş həyəcanı yaşarsan yenə.

Diktorun qəribə ingiliscəsi,

Lirik nəğmə kimi yatar qəlbinə.

 

 

Ya da ki, vaqonun plaskartına,

Girərsən, itələr dal da, qabaq da.

Yerini düzəldib, başını atıb,
Yatarsan, bir gözün qalsa oyaq da…

 

 

Hər uzun yolun da sonu var axı —
Gəlib yetişirsən…Həminki ölkə…
Adamlar da həmin. Əlini sıxıb,

Hal-əhval soruşub çəkiləcəklər…

 
Baxıb boylanırsan həndəvərinə,
Bilmirsən dalınca gəldiyin nədir.

Yola çıxacaqsan sən ancaq yenə,
Belə səyahətlər hələ öndədir.

 

 

Cənnət guşələr var yer kürəsində,
Yolu oralara düşən — bəxtəvər!

Sarsıdar ruhunu, zəngin edər həm,

Köhnə biletlərə baş tutan səfər!

 

11.02. 2020, Samara

“ÇƏTİN İQLİM DEYİL, ÇƏTİN ÖZÜMƏM…”

Фев1

U LENİ. KİNO

Hər şeyə öyrəşir insan, ilahi,

Elə mən…Öyrəşdim qara, şaxtaya.

Qış ilıq keçəndə  ürək darıxır,

Gəldi-gedər kimi baxıram yaya.

—

Orda… Dörd ildən bir orda deyəsən,
Əsil qış olardı –şaxtalı, qarlı.

Bir gün sevinərdik, sabahı günsə,

İliyə işlərdi soyuq, donardıq.

—

Nə isti kürk vardı, nə də gödəkçə
Yazın, yayın, qışın çəkməsi birdi.

İçi islanırdı qar üstdə gəzcək,

Yaş corab ayağı gizildədirdi.

—

Hamı qısılırdı evdə ocağa,

Yatacaq soyuqdu, nəmi də vardı.

Məktəbə gedəndə əl-üz yumağa

Tezdən yazıq anam su qızdırardı…

—

Yemi tükənird  mal-qaranın da,
Acdı qarınlrı, yerləri yaşdı.

Hamı acıqlıydı, qanı qaraydı,
Orada o vaxtlar qış belə qışdı…

—

Məni üşüdərdi qarlı şimallar,

Görsəm ekranında televizorun.

Deyirdim mən hara, şimallar hara,
Yurddan çıxmamışdım ömrüm uzunu…

—

Hər şeyə öyrəşir,  insan, ilahi,
Öyrəşdim  şimala, şaxtaya mən də.

Dözürsən – gün ayda bir dəfə çıxır,

Dözürsən – ulduz yox göyün üzündə…

—

Monqol səhrasına, Sibir düzünə,
Öyrəşib yaşardım bəlkə beləcə.

Çətin iqlim deyil, çətin özüməm,
Bilmirəm özümlə dil tapım necə…

31.01. – 01.02. 2020, Samara

XARİCİ PASPORT

Дек8

Xarici pasportum elə yaxşıdır,
Bilməyən deyər ki, təzə verilib,

Üzqabığı təmiz, kağızı şaxdır,

Dava-dava deyir qartal elə bil.

 

 

 

Təəssüf , müddəti haçandır keçib,

Çoxdan etibarsız sayılir sənəd.

İkibaş qartallı iddialı gerb,
Daha aça bilməz üzümə sərhəd.

 

 

Kəsilib haçandan xaricin yolu…

Mənim xaricimsə öz vətənimdi.

Bu tayda, o tayda möhür qoyulur,
Bilmirdin hardasan və kimsən indi…

 

 

 

Nə qədər ürəkdə məhəbbət ki, var —

Ana məhəbbəti, yurd məhəbbəti,

Özü yaxşı duyar, özü ayırar,

Hansı tayındadır vətən sərhədin.

 

 

Çoxdan vətənimin xaricindəyəm,
Vətən də xaricə çevrilib daha.

Pasport düzəltdirəm, keçəm sərhədi,
Yadam burda necə, yadam orda da.

 

 

Anamsa çağırır yuxuma gircək,
İndi hardadısa, ora vətəndir…

Nə qədər o sağdı,   qaçaqmalçı tək,
Pasportsuz keçərdim bəlkə sərhədi…

 

08.12. 2019, Samara