Buzeyrli Ramiz Hüseynova
Başı buluda qalxan,
Qədim dağlar sizindir.
Tarixlər sızıb axar,
Bulaqların gözündən.
Meşələriniz qədim,
Çaylarınız qədimdir.
Yolu düşüb bu yerdən,
Bəlkə lap Adəmin də.
Əsrlərin izləri,
Məzar yazılarında.
Sizin tarixinizdən
Qədim — bircə Zamandır.
Sən anbaan qanrılıb,
Baxma qüssəli fəqət.
Dalda əsrlər qalıb,
Öndəsə — əbədiyyət.
13 mart 2013 Samara
xeyrulla xayal 