Nə gizlədim, mən Fuad Qəhrəmanlını dünənə qədər tanımırdım, Xalq Cəbhəsi elə partiyadır ki, yalnız rəhbəri tanınır. Ona görə İnternetdə maraqlandım, təəccübləndim ki, Fuad Qəhrəmanlının akkauntu bağlanmayıb. Onun Hacı Talenin həbsiylə bağlı yazısını oxudum. Ətraflı təhlil etmək fikrindədeyiləm, buna mənim hazırlığım da yoxdur. Yazının iki yerinə toxunmaq istəyirəm, çünki burda cənab Qəhrəmanlı ictimai şüurla manipulyasiya edir, üskük altında noxud fırlatma fəndlərinə əl atır.

Fuad Qəhrəmanlı:

“Bu rejimə qarşı çıxdığına görə Hacı Taleyi İranın adamı kimi damğalayıb guya dini dövlət qurmaq istədiyi böhtanını atırlar”.

Hacı Talenin çıxışından:

“Bizim böyüklərimiz, xüsusən rəhbərimiz Əli Xamanei xüsusilə bu məsələni vurğulayır: düşməni tanimaq lazımdır, vəhdəti qorumaq lazımdır”.

“Azərbaycan xalqının öz rəhbəri Xamaneiyə bağlılığı var, düşmən bunu bilir”.

Fuad Qəhrəmanlı:

“İndi həbsdə olan Tale Bağrzadəyə xalq olaraq biz sahib çıxmalıyıq. Məgər bizim ölkədə müstəqil, dindarları demokartik mübarizəyə səsləyən din xadimlərimiz ola bilməz?”

“Cəhənnəmə vasil olmuş Rafiq Tağı” – bunu Hacı Tale deyir.

Məgər danışdığı, yazdığı sözə görə qətlə yetirilmiş bir insanı kütlə qarşısında lənətləmək demokratizmdir? Rafiq Tağını elə bu cür nifrət moizələrindən ruhlanan fanatiklər bıçaqlamayıbmı? Hacı Tale Rafiq Tağının ölümündə müqəssir deyilmi? hacı Talenin çıxışlarından Fuad Qəhrəmanlının yəqin ki, xəbəri var, Hacı Tale demokratik mübarizəyə çağırmır, qana, şəhidliyə çağırır.

Mən, əlbəttə, Fuad Qəhrəmanlının həbsinə haqq qazandırmıram, bəlkə də bu adama ciddi xəbərdarlıq ya ev dustaqlığı kafi tədbir olardı. Ancaq belə bir insanın nüfuzlu partiyanın rəhbəriyində olması partiyanı yaxşı cəhətdən xarakterizə eləmir. Belə partiya özüylə Hacı Tale kimi adamları hakimiyyətə gətirəcəksə, həmişə marginal halda qalmağı yaxşıdır.