A LATE WALK
Çölü dolaşırdım ot biçiləndə,
Biçin yerini
Şeh elə örtüb ki, bağın cığırı,
Güclə görünür.
+
Sonra gəlib burda girirəm, sönük
Kollarda uçan
Quş pırıltısına bağlı qüssəni,
Dil çətin açar.
+
Divar dibindəki ağac lütlənib.
Yeganə yarpaq
Düşəcək, deyəsən, indi halımdan
Qayğılanaraq.
+
Bəlkə uzanardı gəzintim, amma,
Gözümə dəydi
Artıq avazımış sonuncu astra –
Sənə hədiyyə.
ingiliscədən tərcümə
2000-ci illər, Samara
Y. BARATINSKİ
Mənə hədiyyə etdiyin busə,
Çəkilib getməz heç xəyalımdan.
Gündüz hay-küylü, gecə səsizsə,
Yenə dodaqdadır təması hər an.
Yuxunun qoynuna gəfil düşsəm,
Yuxumda nəşə duyduğum o zaman,
Coşuram, könlü salıb min həvəsə.
Oyanıram, o dəm, gedir də duman:
Xəyal itdi, mənəm, mənimlə isə,
Bir məhəbbət və üzülmüş bir can.
1820
Hərə olanına, adına görə-
Ya buket, ya kitab — maşına gədər.
Doğum günlərinə, ildönümlərə,
Gələn hər hədiyyə məclisi bəzər.
Vaxt da elə keçir… Bu ildönümlər
İllərin özünü ötür elə bil.
Təzə təntənəyə tər-təzə güllər,
Təbiət yetirib çatdıra bilmuir.
Vaxt ötür… Haçansa qanı qaynadan,
Atəşfəşanlıqdan nəfəs tutulur.
Haçansa ürəkdə sevinc oyadan,
Hədiyyələr indi təsəlli olur…
31 oktyabr 2007, Samara
xeyrulla xayal 