Архив тегов | Mirzə Əlil
NEYLƏYİRDİK OYUN-MOYUN…
Bakıda tezliklə Avropa oyunları başlanacaq…
Özümlə bacara bilmirəm: “oyun sözünü eşidən kimi “qoyun” yadıma düşür. Neyləyirsiniz, eləyin, lap vurun, öldürün. Nə qədər çalışıram Ki, gözümün qabağınA ayrı şey gətirim, olmur. Kimin ağzından “qoyun” sözü çıxsa ya bir yerdə bu sözü oxusam, elə bilirəm yaxında bir sürü qoyun mələşir.
Bəlkə də bu məsələ məktəb kirablarına salınmış bir nağılla bağlıdır: “Getdin gördün qoyun, neyləyirsən oyun-moyun…”
Ürəyinizə ayrı şey gəlməsin…
Bəklkə də “oyun” sözünün yadıma qoyunu salması mənim kənddə keçmiş uşaqlığımla bağlıdır. Başqa kəndləri bilmirəm, bizim kənddə uşağın ayağı topa dəyən kimi böyüklər onun yadına qoyunu salırdılar: “Qoyun qalıb yiyəsiz, sən top vurursan! Qıçın sınsın!”
Biz uşaq olanda əsil topu altı ayda, ildə bir dəfə görürdük. Biz topu əskidən-üsküdən düzəldərdik. Bizdən sonrakı nəsillərin topu olub. Yəni uşaqlar cib xərcliklərini, ya sünnət olanda onlara bağışlanan pulu yığıb özləri xəlvətcə top alırdılar. Ancaq böyüklər çox vaxt bu topları da alıb ya cırırdılar, ya da iti bir şeylə deşirdilər. Çünki uşaqların başı qarışırdı oyuna, qoyun qalırdı yiyəsiz! “Qoyunun dərdi ürəyinizə! Çörəyi qoyundan yeyirsiniz, burnunuzdan gəlsin!”
Eşitdiyimə görə, Azərbaycan kəndlərində indiyəcən böyüklər hərdən-hərdən uşaqların toplarını alıb cırırlar.
Buna görə də Azərbaycana futbolçuları banan, kartof, mobil telefon kimi başqa ölkələrdən gətirirlər. Öz uşaqlarımız qoyun qabağındadırlar…
Azərbaycanda niyə Asiya yox, Avropa oyunlarının keçirilməyi də bir az təəccüblüdür. Çox mötəbər mənbələrdə Azərbaycanın Asiyada yerləşdiyi göstərilir. Elə insanların bir-birinə, hakimiyyətin vətəndaşlara münasibətindən görünür ki, Azərbaycan Avropada deyol, Asiyadadır.
Belə bir lətifə var: birinə “öküz” Məhəmməd deyirmişlər, o da çox inciyirmiş. Yaxşı bir danası varmış, kəsir, yekə bir qinaqlıq verir ki, “öküz” sözünü üstündən götürsünlər. Camaat yeyib-içir, dağılışanda deyir ki, sənin adaından “öküz”ü götürürük, sən bu gündən olursan “dana” Məhəmməd…
Mən qorxuram ki, Avropadan idmançılar, məşqçilər, məmurlar gəlb iki həftə Azərbaycan xalqının hesabına yeyə-içə, dağılışanda deyə ki, siz Asiya deyilsiniz, Afrikasınız…
Hərçənd valideynlərin uşaqlardan topu alıb cırdığı ölkə heç Afrika adına da layiq deyil. Baxın Afrikaya, görün necə futbolçular yetişirlər. Afrikalılar çoxdan başa düşüblər ki, qoyunun öz yeri, oyunun öz yeri…
Ancaq gözünü beş-altı qotur qoyuna dikmiş soydaşımıza da rəhmli olaq: o yəqin ki, indi Avropa oyunlarına çəkilən xərcləri görüb başını yelləyir: “Neyləyirdik oyun-moyun…”
Mirzə ƏLİL
HADİ RƏCƏBLİ İŞDƏN SONRA FƏHLƏLİK EDƏN MÜƏLLİMLƏR ARASINDA
OLİMPİYA ÇEMPİONU ELNUR MƏMMDƏLİNİN MƏKTUBU
Olimpiya çempionu Elnur Məmmədlidən bir məktub almışam. Çempion yazır: “Hörmətli Mirzə! Azərbaycanın müxalifət mediası tökülüb mənim üstümə ki, mən müsavat mitinqinə polis kimi getmişəm. Mirzə, müxalifətin gözü elə məni görür? Mənim 2008-ci il Olimpiadasında komanda yoldaşım olmuş və bir neçə milyon dollara alınmış yabı da həmin mitinqdə olub və düz İsa Qəmbərin dalında dayanıb. Bu yabının Olimpiadada axırıncı gəlməyi bəs deyil, indi əziz-girami olub, ona gözün üstündə qaşın var deyən yoxdur. Bəlkə bu yabı müxalifətə qoşulub, hə? Qoşulubsa, hökumət də bilsin, göndərsin onu sallaqxanaya, ətindən yaxşı halal kolbasa çıxar. Mirzə, acıqca mən bu yabının mitinqdə çəkilmiş şəklini sənə göndərirəm. Bəlkə müxalifət məndən əl çəkə. Hörmətlə: sizin Elnur”.
Mirzə ƏLİL
16.12. 2014
GƏLİB ÇATDILAR TÜRKİYƏYƏ…
TÜRKİYƏ MEDİASININ EDAMI
NAXÇIVANDA QOLTUQALTI ƏMƏLİYYATI
Günlərin bir günü Vasif Talıbov Naxçıvanı piyada seyrə çıxdı. Hər yer göz oxşayır, hər yerdən gül ətri gəlir. Ancaq bir az gəzəndən sonra Talıbov hiss elədi ki, burnuna gül ətrindən başqa ayrı bir iy də gəlir. Yığdı nazirləri, akademikləri başına, problemlə onları tanış etdi. Nazirlər, akademiklər çox iylədşdilər, az iyləşdilər, axırda məlumat verdilər ki, bu iy tər iyidir, özü də naxçıvanlıların qoltuqaltından gələn tər iyi. Talıbov soruşdu:
- Yəni elə eləmək olmaz ki, bu insanlar tərləməsinlər?
Talıbova başa saldılar ki, dünyanın bütün alimləri çalışıblar qoltuqaltının tərləməyinə əlac tapsınlar, tapa bilməyiblər.
Talıbov dedi:
-
- Onda bəlkə biz qoltuqaltının özünü ləğv edək? Axı insana əsas lazım olan qoldur, qolquqaltının heç bir xeyri yoxdur, ancaq tər gətirir, köynəyi korlayır…
Naxçıvan akademikləri bir-birinin üzünə baxdılar, bir az baxışandan sonra akademik Dəmmədəliyev bu problemin həllini öz üstünə götürdü. Bir ay keçmədi ki, akademik Dəmmədəliyev Talıbova məruzə elədi ki, məsələnin həlli tapılıb. Danabaş kəndində hazırlanmış lazerin köməyi ilə insanların qolquqaltısı yarım saat ərzində götürülür və bu əməliyyat bir az diş çəkilməyinə, bir az öd kisəsinin çıxarılmağına, bir az da sünnətə oxşayır…
İndi Naxçıvanda hər gün bir neçə yüz qoltuqaltıgötürmə əməliyyatı keçirilir. Naxçıvan universitetində qoluqaltolq fakultəsi açılıb ki, burda Azərbaycanın hər yerindən olan tələbələr oxuyurlar. Naxçıvanda hətta qoltuqaltı toyları da keçirilir. İndi Naxçıvanın hər yerindən gül ətri gəlir.
Hamıya qoltuqaltı əməliyyatı ediləndən sonra Haxçıvanın kəndlərindən də gül ətri gələcək. Onu da deyək ki, Vasif Talıbova qoltuqaltı əməliyyatı olunmayacaq, çünki, onin qoltuqaltısı tərləmir, tərləyəndə də, tərində gül ətri gəlir…
Mirzə ƏLİL
27.11. 2014
Samara
MÜSƏLMANIN AMERİKANI KƏŞF ETMƏKLİYİ
Günlərin bir günü bir müsəlman aftafa götürüb subaşına çıxır. Baxır dörd tərəfinə — hər yerdə arvad-uşaq. Gedir bir az irəli, yenə qələbəlik. Qarın da ağrımağında. Güthaget, gethaget… Bu minvalla çox gedir. Üç gün ya bir həftə. Nəhayət, kol-koslu, adamsız bir yerə çıxır və aftafasısını yerə qoyub təzəcə çömbəlir ki, qurşaqlarında dəri parçasından başqa bir paltarı olmayan, oxlu-yaylı beş-aıtı kişi kolluqdan çıxıb onu əhatəyə alır və əl hərəkətləriylə ona deyir ki, a kişi, utanmırsan, özgə torpağında subaşına çıxırsan. Müsəlman qalıb məəttəl və o da qarnının ağrısndan qıvrıla-qıvrıla əl hərəkətləriylə soruşur ki, bala bura haradır. Lüt kişilər də deyirlər ki, adını müsəlman qoymusan, ancaq coğrafiyanı bilmirsən, bura Amerikadır…
Amerikanınn müsəman tərəfindən kəşf edilməyi tarixi məhz belədir. Deyilənlərə görə, həmin müsəlman azərbaycanlı olub, özü də naxçıvanlı…
Mirzə ƏLİL
16.11.2014 Samara
Газета ОЧАГ 2011-08
MİRZƏ ƏLİLDƏN ELEKTROŞOK AÇIQLAMA
Ah Azərbaycan! Canım Azərbaycan! Gözüm Azərbaycan!
Burda bəziləri danışırlar, qulağıma çatır, deyirlər guya Mirzə Əlil Azərbaycanı sevmir. Yalançının lap… Azərbaycanı mənim qədər sevən ikinci adam tapıb gətirin məmin yanıma, adımı dəyişib qoyum Mirzə Zəlil!
O gün arvada deyirəm ki, cəni boşayacam. Arvad deyir kişi, yaşından xəbərin var? Sənin arvad boşayan vaxtındır? Deyirəm arvad, Putin arvadını elə mən yaşda olanda boşamadım? Demədimi ki, bundan sonra o ancaq Rusiyanı sevəcək? Mən də bundan sonra təkcə Azərbaycanı sevmək istəyirəm. Arvad deyir kişi, polisin qulağına çatar ki, sən özünü Putinə tay tutursan, ekstremist maddəsiylə atarlar içəri…
Burasını arvad doğru deyir. Özümü Putunə tay tutmaqla bir az ağını çıxardım. Ancaq Azərbaycanı doğrudan da canımdan artıq sevirəm. Azərbaycanı malımdan da artıq sevərdim, ancaq mal yoxdur…
Azərbaycandan gələn hər şad xəbər mənim üçün bayram olur. O gün eşitdim ki, Bakıda bundan sonra polislər müxalifətçilərin mitinqini elektroşokerlə dağıdacaqlar. O qədər sevinmişəm ki! Hər dəfə televizorla görəndi ki, Bakıda mitinq iştirakçılarını su ilə qovub dağıdırlar, ürəyimdən qara qanlar gedirdi. Ancaq elə bilməyin ki, mənim mitinqçilərə yazığım gəlir. Allah eləməsin! Məni darıxdıran su idi! Gözzəl Şollar suyu! Gözzəl Qəbələ suyu! A kişilər, heyf feyil ki o inci suları belə ziyanlı adamların başına tökəsən? Vallah, deyələnlərə görə, Bakıda elə məhəllələr var ki, sakinləri həftəylə su görmürlər. Mən öz-özümə fikirləşirəm ki, elə bu mitinqə çəxanların çoxu müxalifətçi-zad deyil, məqsədləri havayı-kalan hamamlanmaqdır. Yəqin mitinqə özləriylə sabun, kisə gətirənlər də olur. .. Hamamsız yataqxanalarda yaşayan o qədər tələbə, o qədər qaçqın var ki, müxalifətçi adıyla küçəyə çıxıb özlərinui çimizdirirlər… Yoxsa axı bu adamların mitinqə çıxmağına ayrı səıbəb yoxdur: gözəl prezident, gözəl Ramiz Mehdiyev, gözəl Artur Rəsizadə, gözəl Milli Məclis… Ölkə reqional lider… Ha fikirləşirsən ki, bizim millətin nə problemi ola bilər, ağlına bir şey gəlmir. Məşədi İbad demişkən, bizim millətin bir problemi varsa, o da problemsizlikdir.
Mən çoxdan təəcüblənirdim ki, niyə Bakəda polislər bu mitinqçiləri elektroşokerklə dağıtmırlar. Mən televizorıa tez-tez görürəm ki, Afrikanın çox qabaqcıl ölkələrində polis su-zad işlətmir, orda da su qıtdır. Elə elektroşokeri dirəyir mitinqçinin süvər yerinə, o da iflic olur. Özünə gələndə Afrika dilində “Dədəm, vay!” deyib götürülür xarabasına və bir də küçəyə çıxmır…
Vallah, elə arzulayıram ki, kaş cavan olaydım, gedib Bakıda girəydim polisə işə. Bir mitinq dağıdardım ki! O elektroşokeri müxalifətçinin elə yerinə tıxayardım ki, bir ay yorğan-döşəkdən durmazdı, əli qələm tutan kimi də YAPa girməyə ərizə yazardı… Heyf, yaşım keçib, indi məni polisə götürməzlər…
Ancaq bir məsələ məni narahat edir. Kəndimizə hər gün zəng vururam Orda iki gündən bir işıqlar sönür. Qorxuram ki, Bakıda polislərə elektroşoker veriləndən onra işıqlar hər gün sönə. Axı ölkədə hasil olan elektrik enerjisinin yarısı bundan sonra elektroşokerlərə gedəcək…
Mirzə ƏLİL
29 oktyabr 2014 Samara
xeyrulla xayal 