НАХЧЫВАН (TALIBAN) ВВОДИТ СВОЮ ВАЛЮТУ: «НАХ»

В связи с девальвацией маната Нахчыван (Талыбан) вводит собственную валюту. Валюта называется «нах». На купюрах портрет Васифа Талыбова. Сверху Васиф Талыбов, снизу крупными буквами «нах». Красиво.

Реклама

NAXÇIVAN DEYİL EY, TALIBANDIR…

Vasif Talıbov: Bala, səni deputat eləmək istəyirəm, nə deyirsən?

Seymur: Papa, deputat yəni əsgərlik? Papa mənim əsgərliyə canım yoxdur.

Vasif Talıbov: Əyə, deputatlıq əsgərlik deyil. Bakıda məclisdə oturacaqsan.

Seymur: Məclisdə oturaram. Papa, bu, kişi məclisidir, yoxsa xanımlar da olacaq.

Vasif Talıbov: Xanaımlar olacaq. Yaxşı xanımlar olacaq. Birinci xanım özü də orda olacaq…

   NAXÇIVANDA QOLTUQALTI ƏMƏLİYYATI

 

Günlərin bir günü Vasif Talıbov Naxçıvanı piyada seyrə çıxdı. Hər yer göz oxşayır, hər yerdən gül ətri gəlir. Ancaq bir az gəzəndən sonra Talıbov hiss elədi ki, burnuna gül ətrindən başqa ayrı bir iy də gəlir. Yığdı nazirləri, akademikləri başına, problemlə onları tanış etdi. Nazirlər, akademiklər çox iylədşdilər, az iyləşdilər, axırda məlumat verdilər ki, bu iy tər iyidir, özü də naxçıvanlıların qoltuqaltından gələn tər iyi. Talıbov soruşdu:

  • Yəni elə eləmək olmaz ki, bu insanlar tərləməsinlər?

Talıbova başa saldılar ki, dünyanın bütün alimləri çalışıblar qoltuqaltının tərləməyinə əlac tapsınlar, tapa bilməyiblər.

Talıbov dedi:

  • Onda bəlkə biz qoltuqaltının özünü ləğv edək? Axı insana əsas lazım olan qoldur, qolquqaltının heç bir xeyri yoxdur, ancaq tər gətirir, köynəyi korlayır…

Naxçıvan akademikləri bir-birinin üzünə baxdılar, bir az baxışandan sonra akademik Dəmmədəliyev bu problemin həllini öz üstünə götürdü. Bir ay keçmədi ki, akademik Dəmmədəliyev Talıbova məruzə elədi ki, məsələnin həlli tapılıb. Danabaş kəndində hazırlanmış lazerin köməyi ilə insanların qolquqaltısı yarım saat ərzində götürülür və bu əməliyyat bir az diş çəkilməyinə, bir az öd kisəsinin çıxarılmağına, bir az da sünnətə oxşayır…

İndi Naxçıvanda hər gün bir neçə yüz qoltuqaltıgötürmə əməliyyatı keçirilir. Naxçıvan universitetində qoluqaltolq fakultəsi açılıb ki, burda Azərbaycanın hər yerindən olan tələbələr oxuyurlar. Naxçıvanda hətta qoltuqaltı toyları da keçirilir. İndi Naxçıvanın hər yerindən gül ətri gəlir.

ПОДМЫШКИ 3

Hamıya qoltuqaltı əməliyyatı ediləndən sonra Haxçıvanın kəndlərindən də gül ətri gələcək. Onu da deyək ki, Vasif Talıbova qoltuqaltı əməliyyatı olunmayacaq, çünki, onin qoltuqaltısı tərləmir, tərləyəndə də, tərində gül ətri gəlir…

Mirzə ƏLİL

 

27.11. 2014

Samara

 

 

 

 

 

TALIBOVUN OĞLU FƏLSƏFƏNİ MƏLƏDİR…

Bu yaxınlarda Yunanıstanda zəlzələ gözlənilir – Vasif Talıbovun oğlu fəlsəfə doktoru adını alanda yunan filosofları qəbirlərində çevriləcəklər…

NAXÇIVAN QƏZETLƏRİ YAZISIZ ÇIXACAQ

Vasif Talıbov Naxçıvanda çıxan dövlət qəzetlərini ciddi tənqid edib. Cənab Talıbov bildirib ki, yaxın gələcəkdə Naxçıvan qaəzetlərini yazısız çıxarmaq filrindədir. “Şimali Koreyada qəzerlərin hamısı yazısız çıxır, gözəl də yaşayırlar”, — cənab Talıbov deyib.

İLAN DAĞI YOXSA TALIBOV DAĞI?

Bakıda Heydər Əliyev adına sarayın qabağında Naxçıvanda olan İlan Dağın maketini yüksəldirlər. Ancaq görünüşündən bu tikili daha çox Vasif Talıbovun naxçıvanlıların ürəyinə çəkdiyi dağa bənzəyir.

KİM ÇEN INDAN VASİF TALIBOVA BOMBA HƏDİYYƏ

Vasif Talıbovun Naxçıvana rəhbərliyinin 17 ili tamam olur. Bununla bağlı Vasif atanın ünvanına çoxlu ölkələrdən təbriklər və hədiyyələr gəlir. Şimali Koreya padşahı Kim Çen In Talıbova hərəsi qoz boyda olan bir yeşik atom bombası göndərib. Bundan sonra Naxçıvanın qanunsuz təndirləri bu bombalarla dağıdılacaq.

BOZBAŞ SUYUNDAN HEYKƏL

Bu yaxımlarda yolum bir kafenin qabağından düşmüşdü. Bir də eşitdim ki, “Mirzə, Mirzə, a Mirzə, hey!” deyə məni daldan çağırırlar. Qanrılıb baxanda gördüm ki, kafe sahibidir. Soydaşəımız nəhləyə-nəhləyə mənə çatıb əl verdi. “Mirzə, az qalmışdı məni infarkt vursun, a kişi, sən nə qıvraqsan, çata bilmirdim sənə. Mirzə, gedək dükana, səninlə işim var”.

Mən belə başa düşdüm ki, kafe sahibi məni yeməyə dəvət edir. Dedim bəy, vallah elə ac deyiləm, özünə çox zəhmət verib dalımca qaçmısan. Aşxanaçı gülüb dedi ki, Mirzə, bizim hamımızın sənə hörməti var, səni məcburi yedirdə bilmərəm. Ancaq mən səni ayrı şey üçün çağırıram. Elə şeydir ki, yemək içməkdən də, bütün başqa keflərdən də artıqdır. Dedim bəy, mənə qara-mara vermək fikrin varsa, nahaq əziyyət çəkirsən, mən elə şeylərə yaxın durmuram, arağın özünü içə bilmirəm. Soydaşımız daha da bərkdən gülüb dedi ki, Mirzə, başa düşmədin, qara nədir, a kişi? Sənin kimi hörmətli Mirzəyə mən qara verərəm? Dedim ay bala, mən ağa da yaxın durmuram. Qoy çıxım gedim yolumla, yoxsa arvad dava salar. Soydaşım əl çəkmədi, darta-darta aparıb məni saldı kafeyə. İkilikdə balaca bir otağa girən kimi mənə dedi ki, “otur”. Bozbaşçı küncdəki seyfi açıb başladı orda eşələnməyə. Mən gözaltı ona baxırdım, amcaq seyfin içini görmürdüm. Arxayındım ki, soydaşım seyfdən pul götürür. Yəni pulu götürür ki, mənə versin. Ürəyimdə fikirləşirdim ki, ay aman, görəsən mən nə dəyyusluq eləmişəm ki, bu aşxanaçı mənə pul verir. Qalmışdım məəttəl ki, puldan necə imtina edim, çinki kafe sahibini də incitmək istəmirdim. Nəhayət, soydaşım seyfdən aralanıb mənə yaxın gəldi, gördüm əlindəki pul deyil, bir vərəq kağızdır. O, kağızı mənə uzadıb dedi ki Mirzə, yaz bura adını, soyadını, sonra da qolunu çək. Dedim ay bala, mən nəyə qol çəkməliyəm? Dedi Mirzə, heykəl qoyuruq, sənin razılığın lazımdır.

Bunu eşidındə ürəyim qırılıb düşdü ayağımın altına. Öz-özümə dedim ki, ay namərd, sən indiyəcən soydaşlarının qədrini bilməmisən. Dallarınca ağzına gələni danışırsan, yazırsan, onlarsa yığılıb sənə heykəl qoyurlar. Utandığımdan yerə girməyə hazırdım. Dedim bəy, mən sizə çox minnətdaram, yerdən göyə qədər, ancaq mənim heykəlliyyə ləyaqətim yoxdur. Bir də hara tələsirsiniz, öləndən sonra qooyarsınız…

Soydaşım bunu eşidəndə qəhqəhə çəkib dedi ki, Mirzə, sən nə məzəli adammışsan, a kişi, heykəli sənə qoymuruq, heykəli qoyuruq ulu öndərimizə…

Bunu eşidəndə bayaqkından da bərk utandım. Başımı lap itirmişdim. Tələsik qol çəkib çıxmaq istəyirdim, ancaq yadıma düşdü ki, arvad onun razılığı olmadan kağız-kuğuza qol çəkməyi qadağan edib. Dedim bəy, məni bağışla, eynəyim qalıb evdə, eynəksiz gözüm bir şey seçmir, gedib eynəyimi götürüb gəlim…

O gündən çalışıram ki, soydaşlarımın gözünə görünməyim. Əlbəttə, həyat bir az çətinləşib, küçəyə çıxan kimi ora-bura baxıram, elə bilirəm ki, qəfildən qabağıma bir azərbaycanlı çıxacaq, bir vərəq kağızı uzadıb deyəcək ki, Mirzə, gərək bura qol çəkəsən, ulu öndərə heykəl qoyuruq. Ancaq fikirləşib görürəm ki, heykəl qoyulsa, gərək ruslardan gizlənəm. Axı bunların da səbrinin bir hüdudu var, bezdirərsən, saxlayıb tüpürərlər gözünün içinə…

Halım elə qarışdı ki, az qaldım hönkür-hönkür ağlayım. Ancaq həm arvaddan qorxuram, birdən fikirləşər bu yaşımda eşqə düşmüşəm. Həm də, deyilənlərə görə, Azərbaycanda camaata ağlamağı qadağan edirlər. Mənə danışdılar, yaxşı başa düşmədim ki, təkcə Naxçıvanda, ya bütün Azərbaycanda. Əslində bunun ikisi də bir şeydir. Vasif Talıbov yas yerində də camaatı ağlamağa qoymur. Deyir ki\ zırıltı salıb Azərbaycanın imicini korlamayın. Əslində Vasif bəy yasın özünü də yavaş-yavaş yığışdırır, deyir ki, bu millətin xatırlanmağa layiq bir mərhumu var, o da ulu öndərdir. Daha nə deyim Vasif cənablarından. Guya fərman verib ki, toylar yığışsın və bəylə gəlin telefon vasitəsiylə əlaqə saxlasınlar…

Mənim fikrinmcə, belə dahi rəhbər Nobel mükafatına Obamadan çox layiqdir, ermınilər qoymur verələr. Ona heç olmasa millət yığılıb yekə bir heykəl qoya. Elə bir xərc də istəmir. Ulu öndərə qoyulan heykəllərin qalan-qulan bürüncündən, mərmərindən toplayıb Vasif Talıbova həngamə bir heykəl yapmaq olar.

Soydaşlar, Mirzə evdədir, gətirin siyahınızı, qolunu çəksin. Ancaq arvad evdə olmayanda gəlin. Yoxsa sizə elə yaxşı sözlər deyər ki, quruyub heykələ dönərsiniz…

                        Mirzə ƏLİL

13.10.09 Samara

NAXÇIVANDA FUTBOL VƏ YA ÇÖRƏYİ HARAMIZA YEYİRİK

               

Çox böyük alimlərin fikrincə, futbol ayaqla oynansa da, başa çox ziyan vurur. Yəni ki, oynayanların başına yox, baxanların başına. Burda mənim bir naxçıvanlı dostum var, mən onu həmişə ağıl dəryası bilmişəm. Ancaq Avropa çempionatına baxandan sonra kişi əməlli-başlı çaşıb, havalı gəzir. Mənə o gün nə desə yaxşıdır? Deyir ki, Mirzə, havaxt inşaallah Haxçıvanda da belə futbol olacaq? Dedim ki, inşaallah heç vaxt olmayacaq. Dostumun gözləri elə yekəldi və qızardı ki, canıma qorxu düşdü. Dedi ki, Mirzə, naxçıvanlıların kimdən nəyi əskikdir ki, onlar futbol oynaya bilməsinlər. Dedi ki, naxçıvanlı kişilərin çoxu Türkiyəyə gedib-gəlir, əvvəl-axır türk qardaşlarımızdan futbol oynamağı öyranərlər. Dedim ki, a kişi, naxçıvanlılar Türkiyəyə futbol öyrənməyə getmirlər, ot biçməyə, bir tikə çörək qazanmağa gedirlər. Həm də Naxçıvanda hardan futbol olar ki, Talıbov cənabları üç nəfərdən artıq adamı bir yerə yığılmağa qoymur? On bir nəfər adam bir yerə yığılsa, Vasif  bəy onların üstünə tank çıxarar göydən bombalayar, vallahı, yaxşı da elər. Qoyarsan yığılmağa, bu gün futbol oynayarlar, sabah ayrı şey.

Bunu deyəndə dostum məndən çox incidi. Dedi ki, ay Mirzə, naxçıvanlılar nə ayrı şey oynayıblar, haçan oynayıblar? Dostumun xətrinə dəymək istəmədim, demədim ki, bəs naxçıvanlı Cəlil Məmmədquluzadə deyildi bizim camaatı lağa qoyub gülən? Niyə o bizim gül kimi şeyxlərimizə sataşırdı? Niyə bizim xalqa danabaş deyirdi? Biz danabaş olmamışıq, qoç olmuşuq, qoç!

Təəssüf ki, indi ölkədə qoç-moç qalmayıb. Prezidentimizdən, Artur müəllimdən, polis, gömrük başçısından başqa kim var ki? O boyda Naxçıvanda bir qoç varsa, o da Vasif bəydir. Maşallah, hamını buynuzlayıb yaman günə qoyur. Həmin bu naxçıvanlı dostum şikayətlənəndə ki, bəs Vasif bəy camaatı danışmağa qoymur, dedim mən onun yerinə olsaydım, bu camaatın ağzına skotç yapışdırardım. Dostum vahimələnib dedi ki, Mirzə, sən nə danışırsan? Bəs onda camaat çörəyi harasına yeyər?

Eh, vallah, futbol bu kişinin başını xarab edib. Necə harasına yeyər? Mən nə bilim harasına yeyər? Məgər Azərbaycan camaatı, içində naxçıvanlılar da olmaqla, indiyəcən çörəyi ağzına yeyirdi?

                                                                   Mirzə ƏİL