Архив тегов | Avropa oyunları
FİT DASTANI
Yağış yağmamışdı, yerlərsə palçıq,
Şəhər qonaqların üzünə açıq.
Bakıda Avropa yarışlarında,
Erməni idmançı medal qazandı.
Şərəf kürsüsünə yüksələn zaman,
Onu fitə basdı neçə min insan.
Əlini qaldırdı Əliyev İlham,
Söylədi: qonağa edək ehtiram.
Yaxşı fit çalanam, bilin, özüm də,
Sevir fit çalmağı iki qızım da.
İmtahan zamanı fit çalır Heydər,
Professor ona “afərin” deyər.
Bu erməni gədə qonaqdır ancaq,
Gəlin göstərəiyin biz də qanacaq.
Şuşanı alanda fit çalarıq biz,
Dünyanı bürüyər gözəl fitimiz.
Qarabağı hökmən biz alacağıq!
…Yağış yağmamışdı, yerlərsə palçıq…
02.07. 2015
Samara
UŞAQLARIMIZ QALİB İDMANÇILARIMIZIN ADINI DAŞIYACAQLAR
Avropa oyunları Azərbaycanda elə sevilib ki, təzə doğulan uşaqlara valideynləri milli yığmaların üzvlərinin adlarını verirlər. Həm də təkcə adlarını yox, soyadlarını da. Məsələn, onlarla oğlan uşağına Lorenso və Sotomayor adları qoyulub. Qızlara Anjela, Zaretska, Stepko kimi adlar verilir. Nədənsə Salyanda dopinqə görə yarışlardan çıxarılmış qaçışçı Caltu Beci çox məşhurdur. İndi Salyanda onlarla qız uşağı Çaltu ya da Çeci adını daşıyır.
PREZİDENT ÇALTU BECİNİ QƏBUL EDİB
Azərbaycan prezidenti İlham Əliyev dopinq qəbuluna görə Avropa oyunlarından kənar edilmiş idmançımız Çaltu Becini qəbul etmiş, ona ürək-dirək vermiş, vəd etmişdir ki, Çaltu xanım bütün pullarını son qəpiyinə qədər alacaq. Prezident deyib: “Biz tolerant ölkəyik. Biz narkomanlara qarşı heç bir ayrı-seçkilik etmirik”. Prezident daha sonra deyib ki, bu yaxınlarda öz əli ilə Şuşada Azərbaycan bayrağını qaldıracaq. Çaltu xanım prezidentə təşəkkür edib və Azərbaycan ordusunda xidmət etmək arzusunda olduğunu bildirib.
Görüşdə Efiopiyanın fövqəladə və səlahiyyətli səfiri də iştirak edib.
AVROPA OYUNLARI VƏ İNSAN ALVERİ
Avropa oyunları dünya mediasının nəinki mərkəzində, heç həndəvərində də deyil — bunu qərb mətbuatını az-çox izləyən hər kəs təsdiq edə bilər. Ancaq Bakıda Azərbaycanı doğrudan da dünya mətbuatının diqqət mərkəzinə çevirə biləcək bir hadisə baş verib: bu, Emin Hüseynovun vətəndaşlıqdan çıxarılmasıdır. İnsanı doğulduğu ölkənin vətəndaşlığından çıxarmaq orta əsr təbiətli özbaşınalığın, harınlığın nümunəsidir. Son dəfə Avropa qitəsində insanları doğuluşlarıyla qazandıqları təbii vətəndaşlıqdan mərhum edən ölkə SSRİ olub. Və Emin Hüseynov ən azı məruz qaldığı təzyiq və dərəbəyliyə görə Soljenitsın, Brodski, Lyubimov kimi adamlarla bir sıraya düşür. Və Emin Hüseynovun əvvəlcə canlı mal kimi satıldığı, sonra vətəndaşlıqdan çıxarıldığı gün Azərbaycan tarixində qara gün sayılmalıdır.
MÖVQELİ EŞŞƏK
Lotular Molla Nəsrəddinə sataşırlar:
- Molla, Bakıda eşşəklərin də yarışı keçirilir. Niyə eşşəyini göndərmədin? Çulunu təzələrdi, bir az arpa pulu qazanardı.
Molla gülür.
- A bala, göndərirdim,bu şoğərib ayaqlarını verdi yerə. Dedi erməni eşşəkləri olan yerə öldürsən də getmərəm…
ДИПЛОМАТИЧЕСКИЙ РАЗГОВОР
— Реджеп, что про меня говорят в Турции? – спрашивает Ильхам Алиев у Эрдогана.
— Говорят, что все банки в стране принадлежат тебе и твоей семье.
— Реджеп, они, наверное, имеют в виду банки с икрой. Не правда. Не все банки.
— Ильхам, а что про меня говорят в Азербайджане?
— Говорят, что ты хочешь стать султаном.
— Какой там султан… Мне бы Ильхамом Алиевым стать…
NEYLƏYİRDİK OYUN-MOYUN…
Avroviziondan sonra yazıq Hilal Məmmədoivu tutdular. Avropa oyunlarından rejim daha acıqlı çıxacaq və daha çox adamın başı ağrıyacaq. Kütləvi informasiya vasitələrindən bəlkə bircə Eynulla Fətullayev qala. Peyk antennalarını da yığa bilərlər.Hər şey 36-cı il olimpiadasını xatırladır…
AİLƏ SÖHBƏTİ
-A kişi, Bakıda bu nə hay-küydur, bu qədər adam niyə yığışıb o yan-bu yana gedir, bayraq yelləyir?
— Arvad, bizm bir avtoş onların üç adamını vurub. Onlar da tökülüb gəliblər Bakıya, etiraz aksiyası keçirirlər, bizim məhkəməyə inanmırlar…
EYNULLA FƏTULLAYEVDƏN ŞOK AÇIQLAMA!
Azərbaycanın məşhur jurnalisti Eynulla Fətiullayev Bakıda Avstriya idmançılaının avtobusla vurulması hadisəsinə aydınlıq gətirib. Fətullayev apardığı təhqiqat nəticəsində öyrənib ki, avtobus sürücüsünün nənəsi erməni olub. Bundan əlavə, sürücü özü bu yaxınlarda Feysbukda səfir Arif Məmmədovun yazısına “laik” qoyub. Fətullayev prezidentə müraciət edətrək sürücü üçün ömürlük həbs cəzası tələb edir.
xeyrulla xayal 