Şirin duyğuların nəm möhürüdür,
Ən incə rəhnidir gələcək həzzin.
Ülfətin qırılmaz bağını hörür,
Sevginin ilk qarı — safı, təmizi.
+
Asta danışıqdır, sözlü lal baxış,
Odun alışmağı, uşaq oyunu.
Qümri nəvazişi, bakirə ağuş,
Qızaran danıdır gələcək günün.
+
Son hərəkət — sevinc qəmə dönəndə,
(İndi ayrılalar dodaqlar gərək).
Səninki tək çılğın, səmimi həm də,
Sevgi ayrı nə söz deyə biləcək?
1791
İngiliscədən tərcümə
19.06.2024, Samara
+++++++
ROBERT BURNS
THE FİRST KİSS AT PARTİNG
Sən ey səxavətlə hər vaxt kəsin,
Hər ehtiyacını ödəyən, verən.
Bizə mərhəmətin nə göndərirsə,
Tanrı, sənə alqış deyirik hökmən.
Və sənə xoşdursa, Səmavi Rəhbər,
Olan yaxşımızı pis eləmə sən.
İstər əta elə, rədd elə istər —
Sənə azaltmasın şükrünü bəndən.
Amin!
+++++++++++
ROBERT BURNS
A GRACE BEFORE DINNER
O, thou, who kindly dost provide,
For every creature s want…
Bir qız vardı sevimli, necə də sevimli, ah,
Sevdiyi oğlan isə mehribandı, həm gözəl.
Bir gün hərbin həyəcan təbili çalınanda,
Göz yaşıyla və ahla ayrıldı sevgililər.
+
Dənizin o tayında toplar guruldayırdı,
Biganəydi qorxuya gözəl oğlan hələ də.
Sevdiyi gözəl idi yeganə bu dünyada,
Onu qorxuda bilən, onu fəth eləyən də.
ingiliscədən tərcümə
17.06. 2024, Samara
×××××××××××××
ROBERT BURNS
THERE WAS A BONIE LASS
There was a bonie lass, and bonie, bonie lass,
And she lo.ed her bonie laddie dear,
Till war loud alarms tore her laddie,
WI. monie sigh and frea her arms tear…
Gəzib-dolaşan zaman çöldə yaz səhəri mən,
Eşitdim gənc əkinçi nəğmə deyir şirin, şən.
Əkinçi nəğməsinin vardı bu sözləri də,
«Mənim may həyatım tək hansı həyat gözəldir?»
+
Səhər çağı torağay yuvasınl tərk elər,
Gecə şehi döşündə, qanad çalıb yüksələr.
Nəğmə deyər, fit çalar o, şən əkinçiylə bir,
Yuvasına qayıdar, görəndə ki gecədir.
İngiliscədən tərcümə
17.06. 2024, Samara
×××××××××
ROBERT BURNS
As I was -wandering ae morning in spring
I heard a young ploughman sae sweely to sing,
And as he was singing this words he did say,
There s name life like the ploughman s in the month of sweet may.
Unudulmalımı köhnə tanışlar,
Adları yaddaşdan silinməlimi?
Unudulmalımı köhnə tanışlar,
Eləcə ötüşən günlər — eləmi?
+
İçək şərəfinə ötən günlərin,
Yada ötənləri salaraq yenə.
Etibarlı dostla nə içsək, şirin,
Ötən zamanların içək şəninə.
+
Qaçardıq təpənin ətəyində biz,
Hər tərəf ağ-sarı qızçiçəyilər.
Yorulub o vaxtdan ayaqlarımız,
Gözəldi o keçmiş, o şanlı günlər.
+
Əzizim, üzərdik çayda doymadan,
Səhər açılandan axşama qədər.
Yaratdı, əfsus ki, ötən bu zaman,
Dostum, aramızda sonra dənizlər.
+
Bu mənim əlimdir etibarlı dost,
Əzizim, əlini sən də ver mənə,
Badəni qaldıraq, deyək gözəl tost,
İçək, yada salıb keçmişi yenə.
+
İçərsən, əlbəttə, dibinəcən sən,
Mən də özümkünü içərəm elə.
Xöş niyyət badəsi süzək təzədən,
Ötən zamanların xatirəsiylə.
ingiliscədən tərcümə
15.06. 2024, Samara
×××××××××××××
ROBERT BURNS
AUKD LANG SYNE
Should auld acquintance be forgot,
And never be forgot to min?
Should auld acquintance be forgot,
And auld lang syne?
Qönçə qızılgüldür burda uyuyan,
Qönçəydi, soldu o, qönçəliyində.
Ətir yayılardı məsumluğundan,
Yox elə qoxusu bir çiçəyin də.
+
Həyatdan gedişi kimə ki, dərddir,
Onlara bu böyük təsəlli də var:
Bu qəm dünyasını o, tərk edibdir,
İndisə cənnətdə qızılgül açar.
ingiliscədən tərcümə
13.06. 2024, Samara
××××××××××
ROBERT BURNS
Here lies a rose, a budding rose,
Blasted before its bloom.
Whose innocence did sweets disclose,
Beyond that flowers perfume…
Qorxanam. Və nədən qorxmamışam ki?-
Açar itirməkdən o cümlədən də.
Cibə gündə gərək on dəfə bəlkə,
Əl vurub biləydim: açar — yerində!
+
İndi də, yəqin ki, unutduğumdan,
Başıma nə gəlib, hardayam, kiməm,
Cibimi yoxlayır əlim anbaan,
Barmaqlar boş yerə dəyir — əsirəm…
+
Açar yox cibimdə qapımı açam,
Ev də yox ki, girəm qapını açıb.
Dünyanın malından azad adamam,
Dünyanın yoludur üzümə açıq.
13.06. 2024, Samara
Deyiblər iki şeyə baxmaq olar əbədi,
Odun yanmağldır bu, suyun axmağı bir də
Gözlərim, görün indi iki tamaşa birdən,
Əbədiyyət ömrü var ötən hər dəqiqədə.
+
Yanır yaratdıqlarım, yanıb gedir qurduğum,
Yanır alıb-yığdığım, yazdığım, oxuduğum.
Yanır nadir nəşrlər, şagird dəftəri yanır,
«Əlyazma yanmır» deyən, əlbəttə ki, yanılır.
+
«Fövqəladə» su vurur, su axır oda qarşı,
Bax, gözüm, möhtəşəmdir odla suyun savaşı!
Ehtirasın gücündən bir- birini məhv edən,
Çılğın sevgililərin beləcədir hərbi də.
+
Odun ehtirasını soyudub söndürür su,
Bədbəxt hadisəmi bu? cəzamı, sınaqmı bu?
Kül qalır iki saat əvvəl olan həyatdan,
Baxın, gözlərim, ancaq acı yaş axıtmadan.
+
Səcdə edərəm külə aralıdan mən elə,
Çıxaram heç səmtini bilmədiyim bir yola
Bircə yoldur dünyada tükənməyən, əbədi,
Həqir, başıaşağı yenə gedərəm indi.
07.06.2024, Samara
Şərəfli bir adamdı uyuyan bu məzarda,
Tanrı rəhməti çatsın hamı kimi ona da.
İnsanı sevirdi o, doğrunu sevirdi həm,
Müəllimdi gənclərə, ahıllarasa həmdəm.
Saflığıyla seçilən nadir ürəyi vardı,
Bilikli başı kimi çox az baş tapılardı.
Cənnətdir yeri hökmən, varsa o dünya əgər,
Bunu yaxşılaşdırıb o, gücü çatan qədər.
1783
ingiliscədən tərcümə
12.06. 2024, Samara
≈=============
Robert Burns
ON A FRİEND
An honest man here lies at rest,
As ever God with his image blesst.
The friend of man, the friend of truth,
The friend of age, and guide of youth.
Siyasətə qoşulmaq keçirsə ürəyindən,
Düşünərək bu yolla güzəranın düzələr;
Yaxşı yadında saxla: kar ol, kor ol həm də sən,
Böyük adamlar ancaq görüb-eşidə bilər.
1793
ingiliscədən tərcümə
11.06. 2024, Samara
+++++++++++
ROBERT BURNS
POVERTY
İn politics if thou wouldst mix,
And thy fortunes be;
Bear this in mind — be deaf and blind,
Let great folks hear and see.
