Архив тегов | İlham Əliyev

AZƏRBAYCANDA ŞOK

Апр4

 Əliyevin gizli biznesi ilə bağlı faktlar üzə çıxan kimi ölkə əhalisini şoka salıb. Ağır vəziyyətə düşən neçə min adamın üstünə təcili yardım çağırılıb, ancaq həkimlər telefonla deyiblər ki, bu bizlik deyil, aparın baxıcıya, ya da çatdıra bilsəniz, İrana. Salyanda beş toyda dava düşüb, üç bəy bıçaq yarası alıb, bir tamada ölüb. Yüzlərlə kişi arvadını döyüb, minlərlə arvad uşaqlarının kürəyinin otrasına var gücləriylə yumruq vurub qarğış eləybləır: “Səni görüm yaman günə qalasan, ay bala, necə ki Əliyevlər bizi yaman günə qoyub!”  

 

 

NİDA KOMANDASI

Апр2

              İLHAM ƏLİYEV VƏ RAMİL USUBOV

 

-Ramil, bu tutulan antimilli uşaqlar ki, var ha, Nidaçılar, onların türmədə şəraiti necədir? Mənə Amerikadan zəng vurmuşdular. Yeməklərinə fikir verin, idmanla məşğul ola bilsinlər. Qabaqlarına top atın, oynasınlar.

— Cənab prezident, biz onlardan lap futbol komandası da yaradarıq. Ancaq yeddi nəfər tuttmuşuq, gərək dörd nəfər də tutaq.

— Tutun də. Öz uşaqlarımızdı, tutun gətirin, onlar da Messi olmayacaqlar ki, gətirə bilməyək…

KÜRÜMÜZ ACI ÇIXAYDI…

Апр1

          

 70-ci illərin söhbətidir. Bakıda tələbə olan bir yaaxın yoldaş imtahandan qabaq müəllimin evinə kürü aparır. İmtahanda müəllim minnətlə ona “3” yazır və üzünü turşuda-turşuda deyir:

— O gətirdiyin kürü də acı çıxdı, yeyə bilmədik, atdıq çölə…

İndi fikirləşirəm ki, birdən BMT, Avropa birliyi, ATƏT  başlayalar Azərbaycan hökumətini siyasi həbslərə görə qınamağa. Azərbaycan hökuməti buna təəccüblənəndə beynəlxalq diplomatlar deyələr:

— Son vaxtlar verdiyiniz kürü acı çıxır, yeyə bilmirik, tökürük itə-pişıyə…

CİB-CƏBBƏXANA

Мар30

Azərbaycanın müxalifətçi gənclərindən iki xəbər. Biri bəd, biri xoş. Xoşdan başlayaq. Təzə tutulanların cibindən narkotik çıxmır – yəqin tərgidiblər. Bəd xəbər – təzə tutulanların cibindən top-tüfəng çıxır, yəqin prezident sarayına hücuma hazırlaşırlar.

BÜLBÜL BAYRAMI

Мар29

Bu il Heydər Əliyevin 90 illiyi ilə əlaqədar olaraq Gül bayramından başqa bülbül bayramı da keçiriləcək. İndi ölkədə bu bayrama geniş hazırlıq görülür. Dünyanın müxtəlif yerlərindən bir neçə milyon bülbül yumurtası gətirilib Masazrda yerləşən inkubatorlara vurulub. Bülbüllər yumurtadan çıxan kimi onlara bülbül müəllimləri təlim keçək ki, heykəl və abidələrin üstündən uçanda natəmizlik eləməsinlər.

Prezident İlham Əliyev istəyirmiş ki, Bülbül bayramında Qarabağ bülbülləri də iştirak eləsinlər. “Mən eşitmişım ki, bir vaxtlar Qarabağ bülbülləri olub. Onların yumurtasından tapmaq olmazmı?” – deyə möhtərəm prezident akademik Ramiz Mehdiyevdən soruşub. Akademik Mehdiyev zat-alilərinə deyib ki, Qarabağ bülbülləri doğrudan da olub, ancaq yumurtadan çıxmayıblar, Qarabağ bülbüllərini qarabağlı atalar və analar yetiriblər ki, onların da kökü kəsilib

MİSİR MƏRDANOV ÖLMƏZDİR!

Мар26

Misir Mərdanovun təhsil naziri vəzifəsini tutmağının on beş illiyi münasibətiylə Azərbaycanda ümumxalq şənlikləri keçirilib. Qubada, İsmayılllıda, Qəbələdə atəşfəşanlıq olub. Salyanda yeddi nəfər bıçaqlanıb, Nardanda on iki müsəlman başını yarıb.

“Əgər Misir Mərdanov ölərsə, bu, Azərbaycanda hansı nəticələr verə bilər”? – bu sualla və cavabın üç variantıyla AzTv öz tamaşaçılarına müraciət edib.Variantlar:

  1. Misir Mərdanov ölməzdir!
  2. Misir Mərdanov ölsə, Təhsil nazirliyi bağlanmalıdır.
  3. Misir Mərdanov ölsə, Azərbaycanda təhsil ləğv olunmalıdır.

İlkin nəticələrə görə, tamaşaçıların 99 faizi birinci cavavı seçib.

AY LAÇIN, CAN LAÇIN…

Мар23

İLHAM ƏLİYEV VƏ RAMİL USUBOV

 

-Ramil, özlkədə nə var, nə yox?

— Cənab prezident, sabitlikdir. Ancaq bir dəstə gənc mahnı oxuyub Yutubda.

— Elşadçın oxuyublar?

— Yox, elə özləriyçin

— Mehriban xanımın, Ramizin adlarını çəkmirlər ki?

— Yox, o qələti eləmirlər.

— “Davay do svidaniya” demirlər ki?

— Yox, elə ağızlarını açıb göyə “Laçın, Laçın” deyirlər.

— Bəlkə “Lazım, Lazım” deyirlər?

— Yox, möhtərəm preziden, “lazım” demirlər, “Laçın” deyirlər.

— Bəlkə qaçındırlar?

— Qaçqına oxşamırlar. Geyimli-keçimlidirlər.

— Ramil, indi qaçqınların güzəranı yaxşıdır, səndən-məndən yaxşı geyinirlər.

— Orası elədir. Mən öz uşaqlarıma baxanda deyirəm ki, kaş bunlar qaçqın olaydılar… Möhtərəm prezident, sərəncamınız nədir?

— Gənclərə hələlik dəyməyin. Ancaq mahnı qoşanı tapın. Danışdırın, o yan-bu yan eləsə, atasını yandırın.

— Möhtərəm prezident, elə bilin ki,  atası elə indidən yanıb…

AĞZI ƏTƏ ÇATMAYAN PİŞİK

Мар22

Yazıçı Kamal Abdulla deyib ki, onu yenə hər il olduğu kimi Nobel mükafatına təqdim ediblər və o da hər il olduğu kimi mükafatdan imtina edəcək. “Nə qədər ki möhtərəm prezidentimiz İlham Əliyev Nobel mükafatını almayıb, mən o mükafata yaxın durmaram”, — Kamal Abdulla deyib.

 

ANALOQU OLMAYAN AZƏRBAYCAN TOYUĞU

Мар21

Hər Novruz Azərbaycan prezidenti İlham Əliyev xalq arasına çıxıb yumurta döyüşür və həmişə də udur. İlham Əliyevin sınmaz, basılmaz yumurtasını dünyaya gətirən toyuq nəinki Azərbaycanda, hətta dünyanın bir çox ölkələrində də maraq doğurur.

Mötəbər mənbələrə görə, bu toyuq Naxçıvanda dünyaya gəlib, atası da, anası da naxçıvanlı olublar. Fərə vaxtı Azərbaycanın görkəmli toyuqşünasları tərəfindən seçilib Bakıya gətirilib və o vaxtdan xüsusi şəraitdə yaşayır. Naxçıvanlı bir xoruzla nikahdadır. Sınmaz yumurtalar dünyaya gətirən bu toyuq akademik Cəlal Əliyevin yetişdirdiyi, dünyada analoqu olmayan dənlə və prezident mətbəxindən verilən qara kürüylə yemlənir. Toyuğun adı gizli saxlanılır, şəklinin nəşri qadağandır. Ancaq məlumdur ki, bu toyuq Azərbaycan silahlı qüvvələrinin şəxsi heyətinə daxil edilib, rütbəsi kapitandır, bir neçə orden və medala layiq görülüb.

Azərbaycannın Birinci toyuğunun yumurtası nəinki başqa toyuqların yumurtalarını, hətta ördək, qaz və timsah yumurtalarını da udur. Prezident İlham Əliyev Sarqsyana təklif edib ki, kirvə, sən referendumu neynirsən, referendum baş ağrısıdır, gəl Qarabağ uğrunda yumurta döyüşək, kimin yumutrası udsa, Qarabağ onundur. Ancaq Sarqsyan razılaşmayıb, çünki yaxşı bilir ki, Azərbaycan prezidentinin yumurtasının qabağına yumurta çıxara bilməz.

 

 

Mirzə ƏLİL

YUMURTA DÖYÜŞLƏRİ

Мар19

Bakı. Prezident sarayında ağır döyüşlər gedir. Prezident rəqiblərini bir-bir sarsıdır. “Ramiz, sən bu yumurtanı yumurtlayan toyuğu gətir, mən onunxoruzunu ağladım”, — deyə cənab prezident Ramiz Mehdiyevə sartaşır. “Səfər, sən gözdə-qulaqda ol, birdən Lazım gələr, xəbərimiz olmaz”, — deyə zat-aliləri Səfər Əbiyevə göz vurur. “Cənab prezident, arxayın olun, peykimiz xəbər verib ki, lazımın bu yaxınlarda gəlmək fikri yoxdur”,- deyə general Əbiyev cavab verir…

Yumurta döyüşləri davam edir…