BAĞLA!  

Sən ey Tvitteri boğan Ərdoğdn,

Yu Tubun səsini kəsən qəhrəman!

 

Bilinsin aləmə qolunun zoru,

Bağla radionu, televizoru.

 

 Ziyanlı söhbətdən qoru milləti,

Dayanma, yıx, sürü sən İnterneti.

 

Başı açıqların başını bağla,

Sən çəkən cızığı aşanı bağla.

 

Bağla polisləri, generalları,

Qandala həsrətdir əl-ayağları.

 

Nə qədər nurçu var, damğala, bağla,

Ya ölkədən çıxar, ya da yasaqla.

 

İslam aləminin ərköyün oğlu,

Bağla Atatürkün açdığı yolu.

 

 

Qapı-pəncərəni bağla, ey paşa,

Söndür işığı da, arxayın yaşa.

 

31.03. 2014 Samara