Torpaq azad, Qarabağ azaddır,
Bu zəfər xalq üçün bəlaya dönüb.
+
Dəyənək endirir polis dinənə,
Həyatı insanın cəzaya dönüb.
+
Şəhidin, dustağın ağlar anası,
Sellənib göz yaşı, dəryaya dönüb.
+
Məzədir Cütlüyə xalqın əzabı,
Hər biri sanki əjdahaya dönüb.
+
Çox da ki, Azəribaycandır adı,
Zülmü artıb, daha Qəzzaya dönüb.
05. 11. 2023, Samara
Ağənnə bacımın xatirəsinə
Radiomuz var idi bizim batareyalı,
Kəndimizə çox əvvəl işıq çəkilməmişdən.
Taxçamızda yerini yaxşıı xatırlayıram,
Qorunur, təmizlənir, əzizlənirdi həm də.
+
Məməm həvəskarıydı ədəbi verilişin,
Bir dəfə qulaq assa, əzbər danışacaqdı.
Yarımçıq qoyacaqdı dərsini, ya işini —
Radio teatrını çox sevirdi bacım da.
+
Səsləri eşidərdik, səslərə vurulardıq.
Televizor yox idi hələ qonşularda da,
Radionun da yaxşı repertuarı vardı:
“Yevgeniya Qrande”, “Qorio ata” hətta.
+
Taxçadaydı həmişə mənim də qulaqlarım,
Musiqi ölüsüydüm, xoş idi — nə çalınsa,
Sevirdim “Xoruz baba” danışan nağılları,
Bilmirdim özünü də görərəm mən haçansa.
+
Salyana hər gedəndə lələm sarıq arası,
Tükənməmiş köhnələr, batareya alardı.
Özünnün radioyla yoxdu ancaq arası,
Bu işə nə həvəsi, nə də ki, vaxtı vardı.
+
Arvad-uşaq xətrinə pulu xərcləmirdi o,
O hər cür əyləncəni şeytan işi sayandı.
Dəqiq vaxtı bilməyə lazım idi radio,
Saat çaş-baş olanda ya da ki, dayananda.
+
Radio deyənlərin bircə kəlməsinə də
İnam yoxdu kişidə, qulaq asdı-asmadı,
Bolşevik planıyla kolxoz düzəldiləndə,
Varını almışdılar, qoyub “qolçomaq” adı.
+
Bilirdi ki, dünyada hər şey müvəqqətidir,
İtirmişdi gözündə etibarı adamlar,
Təmizlə natəmizin fərqi bilinmir nədir,
Bu gün ağ deyilənlər sabah qara adlanar.
+
Zaman məsələsində kələk yerimir ancaq,
Çatmır insanın hökmü saniyədə zərrəyə.
Gün ərzində saatla namazını qılaraq,
Borcunu intizamla ödəyirdi Tanrıya.
+
Mənsə beş-altı yaşlı…Bilirdim ki, yediyim
Çörəyi Allah verir, lələmdir qazananı.
İndisə qanıram ki, o vaxt bütpərəst idim,
Daşlı radiomuzdu dünyanın yaradanı…
03-04. 11. 2023, Samara
Əvəz Zeynallının məhkəməsi. Həbsdə olan Rasim Məmmədov şahid kimi gətirilib. Qandalsız. Əvəz Zeynallı hakimə müraciət edir:
Ə. Zeynallı: Möhtərəm hakim, niyə məni bura qoluqandallı gətirirsiniz, Rasim Məmmədovu qandalsız?
Hakim: Bunun səbəbi var.
Ə. Zeynallı: Çox maraqlıdır, deyin, biz də bilək.
Hakim: Ölkəmizdə vəziyyət gərgindir. Erməni terrorçularına qarşı mübarizə davam edir…Hər gün xüsusi orqanlar axtarışda olan terrorçuları aşkar edirlər…
Ə. Zeynallı: Möhtərəm hakim, mən anlamadım, erməni terrorçularının bu qandal məsələsinə nə dəxli var?
Hakim: Dəxli var. Biz o qədər terrorçu tutmuşuq ki, bizdə qandal çatışmazlığı yaranıb. Ona görə Rasim Məmmədovun qandalını çıxarıb bağlamışıq bir erməni dığasının qoluna. Ağır cinayət törədib.
Ə. Zeynallı: Bura məhkəmədir yoxsa sirk? Kimin qoluna bağlamısınız Rasimin qandalını?
Hakim: Onun adını sizə deyərəm… (Katibəyə) Canım, o axır vaxt tutulan dığann adı nədir? Şairimizin adaşını demirəm. O, bizim nazirlərdən birinin adaşıdır. Mədət? Malades, ceyranım. Cənab Zeynallı, dığanın adı Mədətdir, Xocalını qıranlardan. Rasimin qandalını ona bağlamışıq. Zavoddan təzə qandal alanda təzədən açıb bağlayacağıq Rasimə.
Ə. Zeynallı: A kişi, siz camaatı dolamısınız? Ölkədə qandal qıtlığı var? Mən indi Məlahət xanıma deyərəm, gedib evdən iyirmi-otuz qandal gətirər.
Prokuror yerindən dik atılır
Prokuror: Cənab Zeynallı, siz evdə qandal saxlayırsınız? Nə məqsədlə?
Bilirsinizmi ki, bu, cinayətdir? Yəqin evinizdə girov da saxlayırsınız.
Ə. Zeynallı: A kişi, mən məsəl üçün dedim…
Prokuror: Yox, siz özünüz də bilmədən ayrı bir cinayətinizi açdınız. Mən sizə qarşı təzə cinayət işi qaldırıram…
Hakim: Dəstəkləyirəm…(Katibəyə) Şəkərim, yaz…
Mirzə ƏLİL
04.11. 2023, Samara
ВТОРОЗАКОНИЕ
ГЛАВА 3
3 И предал Господь, Бог наш, в руки наши и Ога, царя Васанского, и весь народ его; и мы поразили его, так что никого не осталось у него в живых;
4 и взяли мы в то время все города его; не было города, которого мы не взяли бы у них: шестьдесят городов, всю область Аргов, царство Ога Васанского;
6 и предали мы их заклятию, как поступили с Сигоном, царем Есевонским, предав заклятию всякий город с мужчинами, женщинами и детьми;
7 но весь скот и захваченное в городах взяли себе в добычу.
и истребишь все народы, которые Господь, Бог твой, дает тебе: да не пощадит их глаз твой; и не служи богам их, ибо это сеть для тебя.
ГЛАВА 7
17 Если скажешь в сердце твоем: «народы сии многочисленнее меня; как я могу изгнать их?»
18 Не бойся их, вспомни то, что сделал Господь, Бог твой, с фараоном и всем Египтом,
19 те великие испытания, которые видели глаза твои, [великие] знамения, чудеса, и руку крепкую и мышцу высокую, с какими вывел тебя Господь, Бог твой; то же сделает Господь, Бог твой, со всеми народами, которых ты боишься;
20 и шершней нашлет Господь, Бог твой, на них, доколе не погибнут оставшиеся и скрывшиеся от лица твоего;
21 не страшись их, ибо Господь, Бог твой, среди тебя, Бог великий и страшный.
22 И будет Господь, Бог твой, изгонять пред тобою народы сии мало-помалу; не можешь ты истребить их скоро, чтобы [земля не сделалась пуста и] не умножились против тебя полевые звери;
23 но предаст их тебе Господь, Бог твой, и приведет их в великое смятение, так что они погибнут;
24 и предаст царей их в руки твои, и ты истребишь имя их из поднебесной: не устоит никто против тебя, доколе не искоренишь их.
“Qız evlənir”ifadəsinə dönə-önə rast gəlib belə bir dialoq təsəvvür etdim.
Bir cavan oğlan ağlaya-ağlaya gəlir anasınınüstünə:
— Anacan, sevgilim evlənir!
— Bala, sən geysən? Bəs anana niyə demirdin? Sevdiyin oğlan evlənir? Ürəyini sıxma, səni ondan da yaxşı oğlan taparam.
— Anacan, mən gey deyiləm, bir dəfə də gey olmamışam. Mənim sevgilim qızdır, indi onu evləndirirlər.
— Bala, sevgilin qızdırsa, niyə demirsən ki, ərə gedir? Qız evlənməz, ərə gedər.
— Anacan, indi oğlan da evlənir, qız da. Söz qoyublar ki, kim “ərə gedir” desə, maygülüdür…
— Bala, o sözü kim qoyub?
— Bilmirəm, anacan. Yəqin yuxarıda oturanlar. Prezientimiz, təhsil naziri, baş prokuror, hərrbi prokurur, fövqəladə hallar…
— Oğlum, onların qızları evlənə bilərlər. Çünki onların qızlarının evi var, özü də bir ev yox, bir yerdə, bir ölkədə yox. Onlar əri alarlar da, buraxarlar da. Xalqın qızı ərə gedər…
İnternetdə Azərbaycan mətbuatını baxmaq 60-cı illərin Salyan bazarına girmək kimidir. Başını içəri uzadan kimi qızılsatan A. – dan yeddimərtəbəli söyüş eşıdirdin…
Azərbaycan mətbuatı yazır ki, kimsə hardasa “poz verib”. Bilmirəm “poz vermək” nədir, ancaq zənnim mənə deyir ki, burda ayıblı nəsə var…
Azərbaycan mətbuatı yazır ki, hansı qızsa ya kiminsə qızı “evlənir”. Oxuyub öz-özünə deyirsən: hardasan ay salyanlı qoçu Ərəstun kimisinin birisi, tullanıb bunu yazanın ağzına yaxşı kəllə vura…
Dillimiz gecəqondularda böyümüş, ayqlarını günlərlə yumayan gədə-güdənin, dodaqlarını şişirdib bayram şarına döndərmiş arvadların əlindədir.
Niyə bizdə “ər” sözü ayyıb sayılır, bolşeviklərin uydurduğu “həyat yoldaşı” ayıb sayılmır. Ərlə arvadın nə yoldaşlğı. Rus, ingilis, fransız “ər”, “arvad” deyir”, biz utanıb “yoldaş” deyirik…
“Ərim” yox, “yoldaşım” deyən qonşu qadının avtobusda ya qonşuluqda bilmədən xətrinə dəy, gör ondan təkcə özünün yox, bütün nəslinin ünvanına nələr eşidərsən…
Bizim utancaq kişilər və arvadlar bir otağın işçində 10-12 uşaq dünyaya gətirirdilər. Və ər vaxtaşırı arvadın dədəsinin gorunu, anasını, bacılarını, qardaşlarını kağıza yazılması mümkün olmayan söyüşlərlə söyürdü.
Bizim xalq o qədər utancaqdır ki, “doğum günü” deməyə həya eləyir, “ad günü” deyir, hərçnd ruslardan götürülmüş “ad günü” tamam başqa mərasidir, həm də dini-pravoslav mərasimdir, kilsə təqvimi ilə bağlıdır.
Azərbaycanca doğum sözü ayıbdırsa, onda “mövlud” sözü niyə ayıb deyil? Niyə Məhəmmədin “ad gününü” yox, “mövlud”unu qeyd edirik?
“Doğum günü” ayıb deyil, uşağın doğum günündə borca, kreditə dəbdəbəli toy çaldırmaq ayıbdır…
“Arvadım” deməyə utanıb “yoldaşım” deyən nə qədər oğlan toydan çox çəkməmiş “yoldaaşı”nın qol-qabırtğasını sındırır? Neçəsi qətlə yetirir?
Dildəki dərəbəylik bilirsiniz nəyə bənzəyir? Elə bil ki, şəhərin qələbəlik yerində pivədən ya çaydan sidik kisələri dolmuş adamlar kütləni vecinə almadan özlərini boşaldıb rahatlanırlar…
Və onlara gözün üstdə qaşın var deyən yoxdur. Çünki bunu hamı eləyir…
02. 11. 2023, Samara
ВТОРОЗАКОНИЕ, ГЛАВА 2
…вы будете проходить пределы братьев ваших, сынов Исавовых, живущих на Сеире, и они убоятся вас; но остерегайтесь
5 начинать с ними войну, ибо Я не дам вам земли их ни на стопу ноги, потому что гору Сеир Я дал во владение Исаву;
12 …а на Сеире жили прежде Хорреи; но сыны Исавовы прогнали их и истребили их от лица своего и поселились вместо их — так, как поступил Израиль с землею наследия своего, которую дал им Господь;
17 тогда сказал мне Господь, говоря:
18 ты проходишь ныне мимо пределов Моава, мимо Ара,
19 и приблизился к Аммонитянам; не вступай с ними во вражду, и не начинай с ними войны, ибо Я не дам тебе ничего от земли сынов Аммоновых во владение, потому что Я отдал ее во владение сынам Лотовым;
20 и она считалась землею Рефаимов; прежде жили на ней Рефаимы; Аммонитяне же называют их Замзумимами;
21 народ великий, многочисленный и высокий, как сыны Енаковы, и истребил их Господь пред лицем их, и изгнали они их и поселились на месте их,
22 как Он сделал для сынов Исавовых, живущих на Сеире, истребив пред лицем их Хорреев, и они изгнали их, и поселились на месте их, и живут до сего дня;
31 И сказал мне Господь: вот, Я начинаю предавать тебе Сигона [царя Есевонского, Аморреянина,] и землю его; начинай овладевать землею его.
34 и взяли в то время все города его, и предали заклятию все города, мужчин и женщин и детей, не оставили никого в живых;
35 только взяли мы себе в добычу скот их и захваченное во взятых нами городах.
“Mən sosial şəbəkələrdə necə şiddətli ittihamların yağdırıldığını müşahidə edirəm”, — bunu Qənimət Zahid deyir.
Yəni Qəzzada müharibə başlanandan Fələstin tərəfdarı azərbaycanlılarla “İsrailin yanında olan” azərbaycanlılar bir-birlərinə ittiham yağdırırlar. Qənimət Zahid də Parisdə oturub bunu müşahidə edir.
Qənimət Zahit poetik üsluba keçir, o axı adi jurnalsit deyil, ədibdir. “Bu mənə zaman-zaman acı duyğular bağışlayır”.
Zaman-zaman… acı duyğular…
Ah-vay! Parisin bütün kayfını bu müşahidələr adınını tutulması ayıb olan qəhvəyi rəngli substansiyaya döndərir…
Qənimət Zahid acı düşüncələrini ritorik sualla soydaşlarına çatdırır:
“İctimai rəy..Onun Qəzzada baş verənlərə zərrə qədər təsiri varmı?”
Sual ritorik olsa da, cavab verirəm: “Yoxdur!”
Sonra Qənimət Zahid təkid edir ki, Azərbaycan kimi ölkələrdə ictimai rəyin dövlət siyasətinə “uzaqda yanan zəif şam işığı qədər də təsiri yoxdur!”
Ağzından inci tökülür! Ey, fransız, gözün bağlanıb, yığ apar qoy Luvra!
Fonviznə demişdilər: “Умри Денис, лучше не напишешь!»
Qənimət Zahidlə yüz faiz razıyam, danışmağın, yazmağın, nümayişə çəxmağın “zərrə qədər də təsiri yoxdur”. Ancaq sual çıxır ortaya: Bəs sən niyə danışırsan? Bəs sən niyə yazırsan? Mən havayı bloqa yazıram, havayı sosşəbəkədə yazıram, kompüterim də keçən əsrdən qalmadır. Sənin teleizuya kanalın var, efirə çıxırsan, studiyanın kirayəsi, avadanlıq, işıqpulu, maaş və s. xərclər – buna bir ətək pul gedir. Bu pulu sənə kimsə verir – ya qrant ya ayrı şey. Əgər danışdığının bir gilə təsiri yoxsa (doğrudan da yoxdur), niyə Avropa vergiverənlərinin pulunu xərcləyirsən? Niyə gedib Şamaxıda beş-altı qoyun alıb qatmırsan qabağına?
Əgər ictimai rəyin, danışmağın, yazmağın təsiri yoxdursa, niyə Əli Kərimli heykəl pozası alıb nitqlər deyir? Niyə gedib bir işin qulpundan yapışmır? Məsələn, Saaatlıda iki hektarını alıb pambıq əkmir? Niyə bu vecsiz partiyanı buraxmır, özü nitqlər deyir, cangüdənləri tutulur, bazarlıq eləyənləri tutulur. Niyə, hə? Niyə ona inanıb dalınca gələnlərə demir ki, gedin işinizlə məşğul olun, ailənizi saxlayın. Bu ölkədə siyasət yoxdur.
Əli Kərimli son iyirmi ildə nə qədər adam tutdurub?
Arif Hacılı niyə gedib bazarda alver eləmir?
Siyasət, danışmaq sizin kimi “seçilmişlər” üçündür? İbarəli danışmaqla özünüz öz gözünüzdə o qədər böyümüsünüz ki, xalqı gədə-güdə sayırsınız?
İctimai rəylərin qütbləşməsi qorxulu deyil, buna sevinmək lazımdır, adamlar hələ seçimlərində yanlışlıqlar eləsələr də seçməyə çalışırlar, düşünürlər. Sizi isə düşünən adamlar narahat edirlər. Sizə Əli Kərimluinin führerliyinə inanıb illərlə özlərini tutduran sadəlövhlər lazımdır.
Bu adamlar iqtidardan heç nə ilə fərqlənmirlər. İqtidar adamları seçmək hüququndan mərhum edir, bunlar isə xalqa yazmağı da, danışmağı da çox görürlər…
31. 10. 2023, Samara
P.S. Bu yazının linkini Qənimət Zahidin videosunun altında şərh kimi yerləşdirdirdim. On dəqiqə sonra baxdım, gördüm siliblər. Pulları o qədər çoxdur ki, sayta qarovulçu da qoyublar.
Bunlar Azərbaycanın demokratlarıdır…
Mən bir dəfə Qurban Məmmədlinin dünya ədəbiyyatını necə bildiyindən yazmışam. Özünü Harvard məzunları ilə müqayisə edən bu adam Mopassanın kim olduğunu, nə vaxt yaşadığını bilmir, oxumadığı, hansısa Paşa Həsənlidən eşitdiyi “Koppuş” hekayəsinin guya faşist Almaniyasında baş verən hadisəni təsvir etdiyini arxayınlıqla, ağzını marçıldada-marçıldada danışır…
Bu adamın tarixdən, ədəbiyyatdan bilikləri sıfır da deyil. Biliyi sıfır olan ağzına su alıb susur. Bu adamın biliyi minusdur. Çünki oxumadığını, bilmədiyini danışmaqdan utanıb-çəkinmir, ona etibar edib qulaq asanı da dolaşdırır…
Bu adam keyfiyyətli təhsil almayıb, hüquqşünas praktikası isə Sabirabadda olub. Sabirabadda soğan, qarpız yetişdirən soydaşımızın humanitar bilikləri nə səviyyədə ola bilərsə, Qurban Məmmədlinin biliklərini də o səviyyədə təsəvvür edin. Bunu mən qərəzlə demirəm. Bakıda, indi də Londonda yaşadığı illərdə bu adam keyfiyyətli kitablar oxumayıb, operaya, flarmoniyaya getməyib, nə Şekspirdən, nə Bayrondan, nə Hendeldən, nə Şubertdən xəbəri var. Bayronun, Şellinin Kitsn vətənində yaşayan, ingilis vergiverənlərinin vəsaiti ilə dolanan bu adam poeziyanın nə olduğunu bilmir, vaxtaşırı hansı deşikdənsə cızmaqaraçıları çıxarıb ona ianə verib maariflənmək ümidində olan insanlara şair kimi təqdim edərək o qədər də sağlam olmayan başlarını daha da korlayır.
Qurban Məmmədlinin yaxşı vaxtları olub. 90-cı illərin məhkəmələrindən çəkilmiş vdeolarda o, əsir götürülmüş, ancaq yenilməmiş, sarsılmamış əsgəri xatırladır. İndi isə qocalmış, qanadları salxan, hər addımında yıxılıb-duran qoca xoruza bənzəyir.
Qurban Məmmədli iddialı adamdır, ancaq özünün məhdudluğu üzündən əlacsız luzerə çevrilib. Bütün hay-küyünə, hərbə-zorbasına baxmayaraq, nə partiyası var, nə də onu dəstəkləyən çoxsaylı tərəfdarları. Bütün səylərinə baxmayaraq YouTube kanalı cəmi 124 min abunəçi yığa bilib. Bu adamların səviyyəsini yazdıqları şərhlərdən görə bilərsiniz. Müqayisə üçün: Qurban Məmmədlinin uzun düşmən siyahısında olan Tural Sadıqlının 630 min abunəçisi var, bu cavan adam, şübhəsiz qüsurlarına baxmayaraq, axtarışda, inkişafdadır.
Qurban Məmmədlinin düşmənləri onun opponentləri deyil, Qurban Məmmədlinin düşmənləri onu ötüb keçənlərdir. Onu ötüb keçəni Qurban Məmmədli şərləməkdən də çəkinmir. Bu, luzerlərin xassəsidir.
Qurban Məmmədli hərdən mənə beş min manat pulu yeyilmiş və aldadılmış, “nişanlısı”nı əğyar ilə görmüş və qoçu çağırmaq qərarına gəlmiş Məşədi İbadı da xatırlardır. Qurban Məmmədlinin adaxlısını indi elə bil Sevinc Osmanqızı əlindən aldırıb. Sabirabad hüquqşünası gecə-gündüz ah-zar edir ki, Osmanqızı onun 54 min abunəçisi olan kanalını bağlatdırıb… Və Qurban Məmmədli Osmanqızının üstünə qoçu göndərmək istəyir. Bakıya zəng edir:
— Alo! Əlyo! Sərdardır?
— Sərdar yox, Sərdar Cəlaloğlu! Sən kimsən?
— Mən sənin atabir, anabir qardaşın Qurban…
— Mən səninlə danışmıram… Atabiriyə də şübhəm var.
— Sərdar, mənim sənə işim düşüb. Mənə qoçu lazımdır. Sevinc Osmanqzının üstünə qoçu göndərmək istəyirəm..
— Ağıllı ol, qoçunun xərci ağırdır, burdan gərək Amerikaya uça. Bir yaxşı şair var, Osmanqızıya tapança gülləsi kimi şeir yazar. Adı da Şəhriyar.
— Bəs Şəhriyar ölməyib?
— Ə, Şəhriyar hara ölür? Klassik ölmür ki. Sən elə əvvəlki kimi başıboş qalmısan. Yazdırım Şəhriyara şeiri, nə deyirsən?
-Yazdır, Şəhriyardırsa, qələminə arxayınam. Paşa Həsənli mənə Şəhriyardan çox danışıb…
Söhbət uzundur… Qurban Şəhriyarın kartına pul atır, Şəhriyar da Sevinc Osmanqıızına minaatan atəşi kimi bir şeir yazır:
Baxışından zəhər, zəqqum tökülür
Gözlərindən kin-küdurət tökülür
İblissən, şeytansan ay Osmanqızı..
Vallah, yaxşı baxanda, Qurban Məmmədli mənə daha çox Sənəmi xatırladır. Kəniz Sənəmi…
30.10. 2023, Samara
Messencer yaradana nə deyəsən! Telefon pullu olanda aylarla zəng eləyən olmurdu. Qulağın da dinc idi. Dünən gecənin bir aləmi Azərbaycandan bir nəfər zəng vurub məni oyatdı ki, Mirzə, oyan xabi-qəflətdən, möhtəşəm xəbər var, Milli Məclis boşanmış arvadlara sahib, çıxır. Tahir Kərimli deyib ki, hər vəkil 20-30 boşanmş arvada sahib çıxsın, Aqil Abbas dyib ki, araq içməkdən əfəlləyib, potensiyası tükənib, 30 arvadın öhdəsndən gələ bilməz, 15 arvad bəsidir. Razi Nurullayev deyib ki, o cavandır, özü də buğa kimidir, 50 arvada sahib çıxa bilər, ancaq gərək fond yaradıla, çünki əlli arvadı saxlamağa onun deputat maaşı bəs eləməz.. Mirzə, fürsətdir, indiyəcən ailəsizsən, indi birdən böyük bir ailə başçısı ola bilərsən…
Bu deyilənlərn bir kəlməsinə də inanmayıb tanışıma məzəmmətlə dedim: “A kişi, məni dolamısan? Gecənin bu vaxtı başına ayrı söz qəhətdir?” Tanışım and içdi ki, zarafat eləmir. “Mirzə, inanmırsan, Səngər TV-yə bax, mən deyənlərin hamısını orda deyiblər”.
Onsuz da yuxum qaçmışdı, tapdım bu Səngər TV-ni. Verilişin əvvəlıində Aqil Alışov adlı bir aparıcı doğrudan da boşanmış arvadlardan danışdı. Tahir Kərimlidən də, Razi Nurullayevdən də söz açdı. Mən bilmək istəyirdim ki, boşanmış arvadlara xaricdə yaşayanlar da sahib çıxa bilər yay yox. Yaş məhdudiyyəti varmı? Məsələn, mən yaşda olana… Ancaq birdən bu Aqil Alışov dedi: “İcazənizlə bir faşiyə çıxım… Üzr istəyirəm… haşiyə çıxım. Sizə indi fahişəlikdən danıışmaq istəyirəm…” Bəli, bu Aqil Alışov xeyli fahişələrdən elə danışdı ki elə bil özü bu həyatı yaşayıb. Çox həyati, inandırıcı, təbii…Sonra birdən keçdi Hitlerə. Yəni Adolf Hitlerə. Aqil Alışovun Hitler haqqında dedyi sözlər bəlkə də tarixçiliyin, tarix elminin qızıl səhifələrinə çevriləcək. Alışov dedi: “Faşist Almamaniyası zamanı almanlrın düzgün millət kimi formalaşmasında Hitlerin böyük xidmətləri olub.”
Mən şoxdan şübhələnirdim ki, yazıq Hitleri sağlığında da, öləndən sonra da düzgün başa düşməyiblər. Alışovun bu sözlərindən sonra yəqin ki, Nürnberq məhkəməsinin qərarlarına təzədən baxılacaq. Şübhə eləməyin.
Sonra Aqil Alışov Hitlerin fövqəladə xidmətlərindən söz açdı. “Hitler çıxırmış avtobuslara. Avtobusun tutumu nə qədərdir? On yeddi nəfər. Görür ki, on yeddinci adam ayaq üstə dayanıb, təpəsindən atır gülləni: Olmaz!”
Doğrudan Hitlerin bu jesti təqdirə layiqdir. Mən fikirləşdim ki, azərbaycanlı bir Hitler milləti düzgün formalaşdırmaq üçün avtobuslara girsəydi, nəticəsi nə olardı? Çox fikirləşəndən sonra başa düşdüm ki, Azərbaycana bu iş çətin baş tuta. Çünki azərbaycanlı Hitleri şofer avtobusa buraxmaz, deyər ki, maşın mənimdir, mən səni qoymuram içəri girəsən. Onda gərək azərbaycanlı Hitler əvvəl şoferin başına bir güllə çaxaydı…
Çox təəssüf elədim. Qabaqcıl, proqressiv üsulların heç biri bizim millətə yaramır. Ona görə millət düzgün formalaşa bilmir…
Ancaq bu Aqil Alışopv kimdirsə, ondan dövlət gərək istifadə edə. Potensialı böyükdür. Ona, məsələn, şturmbanfürer rütbəsi verəsən. Silahlandırasan. Girə avtobuslra. Ya da Razi Nurullayevə ya da Tahir Kərimliyə qoşulub boşanmış arvadaları yerbəyer eləməklə məşğul ola. Vallah, uzağı bir ya iki ilə ayrı düzgün millət olarıq…
Mirzə Əlil
30.10. 2023, Samara
Mən ANS kanalı haqqında çox eşitsəm də, verilişlərini görməmişəm, çünki qırx ildən çoxdur ki. Rusiyadayam. Burda peyk kanalı olan bir tanışım baxırdı və deyirdi ki, NTV-yə oxşayır…
Yəni Rusiyada bankir və işadamı Qusinskinin yaratdığı, sonra Putinin darmadağın etdiyi kanala…
İndi son günlər İnternetdə Azərbaycanla bağlı bir məlumat, məsələn hava haqqında məlumat axtaranda, Vahid Nustafayevun müsahibəsinin başlığını görürsən: “Kişi kimi çəkildim…”
(Mənə deyən lazımdır ki, Azərbaycandakı hava sənin burda nəyinə və harana gərəkdir?)
Vaqif Mustafayevin müsahibəsinin bir hissəsinə baxdım və məndə xeyli suallar yarandı.
Vahid Mustafayev mərhum qardaşı Çingizdən çox danışır. O cümlədən onun tibb institutuna girməyindən. Deyir ki, o vaxtlar rüşvətsiz ya tanışsız tibb institutuna (Vahid səhvən “universitet” deyir) rüşvətsiz və tanışsız girmək mümkün deyildi.
Ağ yalandır. Mənim dayım oğlu iki dəfə şuppultu ilə girib – 1975-ci ildə müalicəyə girib, kəsrləri qaldığınə görə çıxarılıb. 1977-ci ildə stomotologiyaya girib, 80-ci ildə hərbdən kəsri qaldğına görə müvəqqəti çıxarılaraq əsgər göndərilib, Sovet Ordusunda həlak olub…
Müəllim yoldaşımın oğlu Səlim 15 yaşında Salyanda 4 saylı məktəbi bitirib tibb institutuna girib. Bakıda yaşayır və işləyir. Başqa bir salyanlı tanışımın da oğlu tibb institutuna rüşvətiz, tanışsız girib, indi Salyanda həkimdir.
Parlaqlar, hazırlıqlılar girirdilər.
Vahid Mustafayev deyir ki, Çingiz kimyanı və fizikanı bilmirdi, “yəqin hazırcabalılığı, məzəliliyi ilə proofessorları heyran edib”.
Bayaqdan deyirdi ki, rüşvətsiz, tanışsız girmək mümkün deyildi, indi deyir qardaşı məzhəkə ilə, xoxma ilə girib. Bəlkə “gizli hərbi hissədə komandir olmuş zabit atası” tanışlıqla düzəldib?
Tibb institutunda oxumaq çətin idi: doğrudan da gərək ya rüşvərt verəydin, ya gərək yaxşı adamın olaydı, ya da yüksək dərs intizamın və hazırlığın. Bütün təhsil illərində “yaradıcılıqla” məşğul olan Çingiz imtahanları necə verirmiş? Başı “yaradıcılığa” qarışmış, kimyanı, fizikanı, anatomiyanı bilməyən tələbədən nə həkim? Və institutu belə şübhəli hazırlıqla bitirən Çingizin dərhal İnşaat institutunun sanatoriyasına baş həkim təyin olunması şübhə doğurmurmu? Bu təyinatı “komandir ata”nın təşkil etdiyini təkcə mənmi düşünürəm?
Vahid Mustafayev deyir ki, nə yaradıbsa, öz puluna, ailəsinin puluna yaradıb.
Sual: 1991-ci ildə, hələ Azərbaycanda hərbi vəziyyət ləğv olunmamış, Qarbağ münaqişəsinin müharibəyə çevrildiyi bir vaxtda Vahid Mustafayevdə pul harda idi ki, radio və televiziya yaradırdı?Adamlar ucuz bir maqnitafon ala bilmirdilər, ağ-qara televizora da həsrət qalanlar var idi.
Cənab Mustafayev, mən sizin pulunuzu saymaq fikrində deyiləm, sadəcə deyin ki, adamlar yeməyə çörək tapmayanda bu müxtəlif şirkətləri hansı pulla açırdınız. Avandanlığa, deyək ki, nə qədər pul xərcləmisiniz.
Qusinskini Qazpromun 400 milon dollarlıq kreditini qaytarmamaqda günahlandırıb əleyhinə iş açanda deyirdi ki, 16 kamera almışam, hərəsi 50 min dollar…
Bu nə qədər elədi?
Qusinski türmədən çıxmaq üçün biznesini Putinə verib qaçdı İsrailə…
Jurnalistika – sənət, yəni incəsənət deyil, peşədir. Keyfiyyətli jurnalistikanı Cəlil Məmmədquluzadə, Sabir talantlı adamlar yaratmırlar. Jurnalistikanı ən azı baza təhsili olan, müəyyən prinsiplərə sadiq peşəkarlar yaradırlar. Belə söz var: əsas sudur, su olsa, balıq da olacaq. Keyfiyyətli televiziya jurnalistikasının olması üçün ən vacib şərtlər demokratik və iqtisadi azadlıqlardır. İqtisadi azadlıq olmadan azad jurlalistika ancaq marginal halda mövcud olur – indi YouTube kanallarında olan jurnalistika kimi – burda isə təmiz murdara qarışıb, yalan doğruya, debil intellektuala…
ANS kanalının yaranması o dövrdəki nisbi azadlıqla bağlıdır. Sonralar, Heydər Əliyev hakimiyyətini bərpa edəndən sonra, bu kanalda deqradasiya başlanmaluydı, çühki jurnalistin gözü kamerada, fikri isə prokurorluqda, prezident adminstrasiyasının yanındadır…
Heydər Əliyevn ANS-i dərhal bağlamamğı onun demokratlığından irəli gəlmirdi. Sadəcə o, kənarda olduğu illərdə ölkədə təmiz hava buraxan çoxlu mənbələr yaranmışdı, və bütün kranları birdən bağlamağa Heydər Əliyevin əli çatmırdı…
Vahid Mustafayev deyir ki, “..mən Avropa məhkəməsinə gedə bilməzdim, onda gərək mən Azərbaycana qarşı olaydım, bu isə mümkün deyil, çünki mən də, qardaşlarım da, valideynlərim də, əmilərim, dayılarım da Azərbaycanı dəlicəsinə sevirik…”
Ah, necə peşəkar manipulyatordur, vicdanını şeytana satıb…
Azərbaycan məhkəməsinin qərarından narazı qalıb Avropa məhkəməsinə gedənlər Azərbaycana qarşı çıxırlar, ya qanunsuz hökm çıxaran Azərbaycan məhkəməsinə? Cənab Mustafayev, sən şərlənərək tutulmuş, işgəncələrə məruz qalmış, türmələrdə sağlamlıqlarını itirmiş yüzlərlə, minlərlə adamı təhqir edirsən. Çünki səndə o qədər də incəliklə gizlədilməyən sinizm və rasionallıq var, sən daim İlham Əliyevə mesajlar göndərirsən: «baxın, mən necə yaxşyam, mən Mirşahindən də yaxşıyam… Mamoy klyanus…»
Vahid Mustafayev tez-tez ”kişi kimi” ifadəsini işlədir…Azərbaycanda qalanlar ya yəqin ya arvaddır, ya indi qərbdə dəbə düşən orta cinsdən… Adətən kişiliyində (əqidə mənasında) şübhəli adamlar bu ifadə ilə eyiblərini pərdələyirlər…
Vahid Mustafayev deyir ki, “..mən boksçuyam, Avropa, dünya çenpuionatlardında döyüşmüşəm…”
Bunu eşidəndə az qaldım heyrətdən öləm, çünki özümün bir yumruqluq canım olmasa da bolsçulara böyük hörmətim var. Boksçu deyiləndə gözümün qabağına əfsanəvi Məhəmməd Əli gəlir… Vahid Mustafayevi Məhəmməd Əli ilə, Mayk Taysonla döyüşən təsəvvür etdim…Sonra lənətə gəlmiş Vikipediyanı açdım. Demə Vahid əsl boksçu deyilmiş, şıllaq və yimruq atanlardan imiş…
Daha buir sual. Hörmətli Vahid Mustafayev, Çingiz Mustafayevin istedadlı və cəsur insan olduğuna şübhəmiz yoxdur. Bəlkə bu sualın cavabı çoxdan verilib, mənim xəbərim yoxdur: Çingiz Mustafayev döyüş səhnələrini, qaçqınları, meyitləri çəkərkən onun özünü çəkən kimdir. Axı Çingiz eyni vaxtda öz-özünü çəkə bilməzdi. Çingizi çəkən oprator kimdir7 Sağdırmı? O da Milli Qəhrəman adlna layiq görülübmü? Görülməyibsə, niyə? Adamı olmayıb ya rüşvət verilməyib?
X.X.
29. 10. 2023, Samara
xeyrulla xayal 