ƏL LEYL SURƏSİNƏ BƏNZƏTMƏ

Авг26

2021 лето

And olsun zülmətində aləm itən gecəyə!

And olsun gündüzlərin  işıq saçan çağına,

And olsun kişini və qadını yaradana,

Səyləriniz fərqlidir sizin həqiqətən də.

Fəqət kim verimlisə, qəlbində qorxu varsa,

Və ən gözəl olanı kim həqiqət sayırsa,

Ona asan olanı elərik daha asan.

Amma kim simicdisə, qazanca hərisdisə,
Və ən gözəl olanı yalan hesab edirsə,

Onun asan elərik çətinə düşümünü.

Gömülərkən dadına çatmaz dövləti, malı,

Doğru yolla aparan  insanı bizik axı.

Məxsusudur bizə çünki həm axirət, həm əvvəl.

Xəbərdar eləmişdim mən sizi yanar oddan,

Bədbəxtlər bədbəxtidir bu odda yalnız yanan,

Yalana çıxardı o və üz çevirdi həm də.
Yayınar yanar oddan mömin, haqq yolu gedən,

Verir o, günahını təmizlədəni hökmən.

Və mükafat gözləmir heç kimdən əvəzində.

Yalnız Uca Tanrının vəchidir o istəyən.

Razı da qalar hökmən!

26. 08. 2022, Samara

ƏL TİN SURƏSİNƏ BƏNZƏTMƏ

Авг25

2021 лето

Əncirə, zeytuna and içirəm mən,
Həm Sinay dağına and içirəm mən

Bu əmin şəhərə and içirəm həm!

İnsanı yaradıb ən gözəl nizam,

Ən gözəl quruluş biz ona verdik.

Sonra ən aşağı mərtəbədən də
Aşağıya onu biz endiririk.

Yalnız o kəslərdən savay ki, onlar

İman gətirdilər və xeyir işlər

Gördülər – saysız da alacaqlar əcr.

Belədirsə, bəs nə səni, ey insan,

Məcbur edir dini yalan sayasan?

Hakimlər hakimi deyilmi Allah?

25.08. 2022, Samara

ƏL MAUN SURƏSİNƏ BƏNZƏTMƏ

Авг24

2021 лето

 Dini uydurma sayan
İnsanı görmüsənmi?

+

O qovur qapısından,

Yetimi görən kimi.

+

Sövq etməz kasıbların
Doyduralar qarnını.

+
Vay olsun hallarıına

O namaz qılanların

Ki, öz dualarını,
Başdansovdu elərlər,

Riyakar, çoxüzlülər —

Sədəqə istəyənə,
Verməzlər onlar heç nə.

  1. 08. 2022 Samara

ƏL ƏSR SURƏSİNƏ BƏNZƏTMƏ

Авг23

2021 лето

And olsun zamana, əsrə: itkidir
İnsanın həyatı həqiqətən də.

Ziyandan o kəslər qaça bilər ki,

İmanda düzdürlər, əməldə həm də.

Bir-birini o kəslər,
Haqqa, səbrə sövq elər.

21. 08. 2022, Samara

MÜSLÜMÜN SƏSİ

Авг22

08.06 2020

Hərdən, təsadüfən həm,

Müslümün səsini mən,  

Elə ki eşidirəm  —

Yadıma düşür Vətən.

 —

Nəğməsi yad dildədir,
Gəlir ritmi də qərbdən.

Qəlbi ancaq titrədir –

Yadıma düşür Vətən.

 —

Duyuram soyuq, ögey
Bakıya sevgi birdən.

Sönükür küsü, giley –

Yadıma düşür Vətən.

 —

Tiranla dostluğundan
Pərt olsam da necə mən,
Harda eşitsəm, haçan –

Yadıma düşür Vətən.

22. 08. 2022, Samara

ĞUREYŞ SURƏSİNƏ BƏNZƏTMƏ

Авг22

2021 лето

Anlam, sülh yaranıb aralarında.

Keçir səfərləri qovğasız indi.

Şama yollanırlar qışda arxayın,
Yaydasa gedirlər Yəmənə əmin.

Bunlara görə də Ev Yiyəsinə,
Onlar dua, təzim qoy eləsinlər!
Yedirtdi onları çəkəndə aclıq,

İndi qorxudan da çıxarıb artıq.

20. 08. 2022, Samara

ƏN NƏSR SURƏSİNƏ BƏNZƏTMƏ

Авг21

2021 лето

Elə ki, Allahın köməyi gələr,
Çıxarsan döyüşdən qələbəylə sən,

Onda görərsən ki, necə kütlələr,
İman gətirirlər Allaha birdən.

Elədə təriflər Tanrına söylə,
Tövbə et, sən ondan üzr də dilə,

Tövbə edəni o bağışlar hökmən.

19. 08. 2022, Samara

FALAQ SURƏSİNƏ BƏNZƏTMƏ

Авг20

De: Sübhün yiyəsindən,

Sığınacaq dilərəm:

Onun iradəsindən,

Yaranmışın şərindən,

Qaranlığın şərindən —
Aləmi bürüyəndə.

Qadınların şərindən –

Düyünə üfürəndə.

Və hasidin şərindən –

Həsədini görəndə.

18.08. 2022, Samara

SÖHBƏT

Авг19

SONY DSC

Üzbəüz, dis-dizə, ya da yanaşı,

Oturub edəsən söhbəti ancaq.

Elə iki nəfər olarsa – yaxşı,

Yoxsa dil deyəni eşitmir qulaq.

 

 +

Elə iki kəlmə danışan kimi
Cavab verəndə ya soruşulana,
Bir də görürsən ki, yanındakının,
Çevrilib nə vaxtdan üzü o yana.

 +

Onun da çox vacib mövzusu vardır,
O da qonşusuyla danışır demə.
“Məni eşidirsən? Fikrin hardadır”?

“Qulağım səndədir, sözünü kəsmə…”

 +

Hər kəsin ağzında yarımçıq sözü,

Ürəyi deşilir – yox eşidənsə.

Döyülür əsəblə qonşunun dizi:
“Məni eşitmirsən sən heç deyəsən…”

 +

Bir də görürsən ki, qızanda ağzın,
Girib telefona yoldaşın başı.

Dizinə, çiyninə döşəmək azdır —

Bir qapaz salasan başına yaxşı.

+

Şəhərin adamsız sonra yerində,

Gəzib-dolanasan belədən-belə.

Kimsəni görmədən həndəvərində,

Elə danışasan özün-özünlə.

 +

Surətinə uyğun, özünə bənzər,
Deyilir yaradıb insanı Tanrı.

Bəlkə də ondandır təkliyimiz də,

Nemətdir, bilinmir qiyməti, qədri.

 

18. 08. 2022, Samara

MƏSƏD SURƏSİNƏ BƏNZƏTMƏ

Авг18

2021 лето

 Əlləri qurusun Əbu Ləhəbin!
Məhvi özünün də yetişər yəqin!

Malından, qazanıb topladığından,
Fayda görməyəcək bu rəzil insan.

Alovlanan odda yanacaq hökmən,
Arvadı olacaq odun gətirən.

Boynunda ciyəsi xurma lifindən.

18. 08. 2022, Samara