Şuşanın dağları başı dumanlı,
Qışı həqiqətdir, yazı gümanlı.
Hər daşı, qayası güllə nişanlı,
Sinəsi yaralı, ətəyi qanlı,
Ölərəm, hey…
Şuşada axşamlar yanar ulduzlar,
Uzaqdan görərik, ürək sızıldar.
Yol üstdə qarıyan gəlinlər, qızlar,
Ərin, adaxlının yolunu gözlər,
Ölərəm, hey…
Şuşanın hər yerdən gəlir sorağı,
Orda ziyafətlər düzəldir yağı.
Orda millətimin sönüb ocağı,
Getməz o dağların ürəkdən dağı,
Ölərəm, hey…
09 may 2013 Samara
Реклама
