Bədəlov Kainatın pişikləri — 2
Bir gün də yubanmadan,
Pişik pulları gəldi.
Çatdrdılar obaşdan —
Xidmət necə gözəldir!
Dollardı bir hissəsi,
Bir hissəsi manatdı.
Var avro əlavəsi,
Doymalı təminatdı!
Pişikana Kişini
Bazarlığa yolladı.
Kişi bilir işini —
Nə istəmişdik, aldı.
Yerinə yetirilir,
Olsa nə arzumuz da.
Durur iki magistr,
Bizim qulluğumuzda.
Razıyıq güzərandan,
Yeyər, içər, yatarıq.
Sənə, Azəribaycan,
Ürəkdən minnətdarıq.
07. 10. 2026, Samara
Kainat Bədəlovun pişiklərinə həsr olunur
Dünyada analoqu,
Tapılmaz bu pişiyin.
Altıca bala doğub,
Doldurub ev-eşiyi.
AzTv yubanmadan,
Çəkib, işıqlandırıb.
Milli Məclis bu zaman,
İşini dayandırıb.
Məhəllədən qonşular,
Gəlir gözaydınlığa.
Uzaqdan da gələn var,
Millət qalxıb ayağa.
İcra başçısı hətta,
Baş çəkdi dünən bizə.
Dedi: “Prezidentə,
Yazın yaxşı ərizə.
Prezident, şübhəsiz,
Bu işi bəyənəcək.
Uşaq pulu hər ay siz,
Alarsnız bir ətək”.
Mirzə TƏBİL
10. 09. 2026, Samara
