Altından, çürümüş böyürlərindən,
Su sızan kolazda Kürü adladım.
Gördüm şəhərlərin böyüyünü də,
Tanıdım bir neçə böyük adamı.
+
Tanıdım qüdrətli dilləri də mən,
Onlarda sehr və musiqi duydum.
Ancaq buraxmadı cazibəsindən,
Məni ana dilim və doğma yurdum.
+
Bəzən düşünsəm də mən özgə dildə,
Nə yazsam, öz ana dilimdə yazdım.
Keçmədi, aşmadı səsim sərhədi,
Vətənim – nə vaxtdan dil fəzasıdır.
+
O çay hardan axır? Hanı o kolaz?
Hardadır yolların qayıdanbaşı?
Özüm də getməsəm, söz də yollasam,
Kəsir qabağını elə bil qoşun…
+
Vətən göylərində xırda bir çıraq
Olsam, vurub salar batareyalar.
Quşa çevrilərdim, uçardım, ancaq,
Daş töküb cibinə yolda duran var…
17. 01. 2020, Samara