Bien loin d’ici
Bura dualanmış ərazi, mənzil,
Burda bəzəkli qız, gözəl və nazlı,
Ürəyi buz kimi, həmişə hazır,
İncə balınclarda başı dincəlir,
Bir əllə döşünü o yelpicləyir,
Hovuz naləsini qəlbi dinləyir.
Bura otağıdır Doroteyanın,
Dinir uzaqlarda külək də, su da.
Yarı nəğmə deyir, yarı ağlayır,
Ərköyün bu uşaq bəlkə də yata.
Başdan ayağacan, qayğı və səylə
İncə dərisini cilalayıblar
Ətirli yağlarla, benzoy çəkiblər
— Küncdə çiçəklərsə bayılıb qalar.
Fransızcadan tərcümə
20.07. 2018
Samara
Le Tonneau de la Haine
Bir çəlləkdir ki Nifrət, doludur Danaidlə,
Bura güclü, qırmızı əlləriylə İntiqam,
Toranda başılovlu vedrə-vedrə əndərir,
Ölənlər axıtdığı göz yaşları, tər və qan.
Gizli deşiklər açıb İblis bu girdabdasa,
Onlardan axıb gedir min illərin qan-təri.
Əgər qurbanlarını cana gətirə bilsə,
Yenə də Nifrət sıxıb, qanlarını çəkərdi.
Nifrət əyyaşa bənzər meyxana küncündəki,
Təşnəsi şiddətlənər, çox içərsə nə qədər,
Kəsildikcə çoxalan Lerna hidrası kimi.
Bəxtəvər əyyaş bilir xumarlıqdan yenilər,
Yaslı tale yazılıb Nifrətinsə adına,
Yuxuya getməz heç vaxt girib masa altına.
Fransızcadan tərcümə
11.06. 2018
Samara
Those lips that love’s own hand did make…
Sevgi kimi şirin dodaqlarından,
İki söz ucaldı: “Nifrət edirəm!”
Onun həsrətiylə yandığım zaman;
Qüssəli halımı amma görən dəm,
Şəfqət ürəyində yarandı birdən,
Dilini qınadı, şirin bilirdim,
Dilini həmişə, indi yenidən,
Elə bil ki, lütfə öyrədilirdi.
“Nifrət edirəmi” dəyişdi sonda,
Gecənin sonunda necə gün doğar.
Cin kimi qovulub gedər səmadan,
Gecə cəhənnəmə bəlkə qərq olar.
“Nifrət edirəm”ə “sənə yox”u da,
Artırıb, qaytardı məni həyata.
İngiliscədən tərcümə
07-08. 2018
Samara
QEYD: 145-ci sonet Şekspir sonetləri içində unikallığı ilə seçilir, çünki başqa sonetlərdən fərqli olaraq yambik pentametrlə deyil, yambik tetrametrlə yazılıb. Heca sayı ilə desək, hər misrada on yox, səkkiz heca var. Azərbaycancaya bu sonet də 11 heca ilə çevrilib, çünki bizim səkkizhecalı şeirlə, təəssüf ki, Şekspir sintaksisini orijinala nəinki adekvat, hətta yaxın da vermək mümkün deyil. Orijinala yaxın ölçü seçən rus tərcüməçiləri sonetdən çox az şey saxlaya bilirlər.
What’s in the brain that ink may character…
Beynimdə yazmağa nə var dəyərli,
Qəlbimlə deməmiş olam mən sənə?
Axı mən təzə nə deyə bilərəm,
Dəyə sənin ali ləyaqətinə?
Heç nə, gözəl oğlan; amma dua tək,
“Sən mənm”, “mən sənin” deyəm gərək mən,
Köhnə olduğunu düşünməyərək,
İlk dəfə adını sanki çəkirəm.
Solmaz təravəti əbədi eşqin,
O bilməz zamanın qubarı nədir.
Yeri yox heç yaşda onda qırışın,
Onun zaman özü xidmətindədir.
Harda doğulubsa, yaşayar orda,
Eşqim, zaman onu ölü saysa da.
İngiliscədən tərcümə
04.04 2018
Samara
Thus is his cheek the map of days outworn…
Onun üzündəki zaman başqadır —
Gözəllik gül ömrü yaşardı onda.
Yapma yaraşıqlar yaranmamışdı,
Yoxdu bər-bəzəklə üz yaradan da.
Qızılı saçları ölən gözəlin
Torpağa gedərdi, kəsilir indi,
Ayrı baş onlarla yenə bəzənir,
Kiməsə ölənin teli sevincdir.
Ondasa görünür ötən xoş zaman,
Hər şey bəzəksizdi, doğru, əsildi.
Yayı yaratmırlar saxta yaşıldan,
Gözəldə heç nə yox köhnə əsirdən.
Yaşar bu gözəllik bir nümunə tək,
Əsili saxtadan ayıra bilək.
İngiliscədən tərcümə
24.02.2018
Samara
Music to hear, why hear’st thou music sadly?
Özün musiqisən, musiqi niyə,
Səndə qəm oyadır? Özün sevincsən,
Sevirsən qəm-qüssə gətirən şeyi,
Sevirsən sən özün öz işgəncəni.
Sən gözəl köklənmiş səslərin nədən,
Nikah vəhdətiylə sinirlənirsən?
Boşdur bu həmahəng birlik içində,
Yəqin anlayırsan, səsinin yeri.
Simlər ailəyə, eşit, bənzəyir,
Bir himlə titrəyib verər səs-səsə.
Ata, xoşbəxt ana, övlad elə bil,
Üçü bir nəğməylə gələr həvəsə.
Sözsüz də mənası nəğmənin aydın:
Səsin eşidilməz, yoxsa övladın.
İngiliscədən tərcümə
17.12.2017
Samara
ANNA AXMATOVA
EPİQRAM
Могла ли Биче словно Дант творить…
Beatriçe Dante tək yarada bilərdimi,
Eşqin tərənnümünə qadirdimi Laura?
Mən oldum qadınlara danışmağı öyrədən…
İlahi, indi necə susdurum mən onları!
1958
Ruscadan tərcümə
02.11.17
Samara
К СЧАСТЬЮ, ДЕНЬ РОЖДЕНЬЯ ТОЛЬКО РАЗ В ГОДУ…
ŞEŞ-BEŞ…
На вечере, посвященном памяти Чингиза Мустафаева, выступил и Эйнулла Фатуллаев, который сделал два заявления
Думаю, дело близких Чингиза Мустафаева позволять или не позволять Эйнулле Фатуллаеву склонять свое имя вместе с именем погибшего журналиста.
Что касается, второго заявления… Хочется в адрес родителей Эйнуллы Фатуллаева высказать небольшой упрек. Не надо было удерживать Эйнуллу, не надо было…Почему-то думается, что не будь Эйнуллы Фатуллаева, Азербайджан выглядел бы относительно порядочной страной…
xeyrulla xayal 