Millətin sütül uşaqları cəbhədə qırılırlar, minlərlə insanın başına düşmən mərmiləri yağır, ölkə rəhbərliyi isə yenə öz kefindədir. Yenə Ailə üzvlərinin şəhrətləndirmə kampaniyası əvvəlki vüsətlə davam edir.

Dünən İnternetdə Beyləqanın kəndlərini axtardım – bu kəndlərə şəhidlər gəlir – ancaq İcra hakimiyyətinin saytında da kəndlərin adı yoxdur. Beyləqan İcra hakimiyyətinin saytında ümumiyyətlə rayon əhalisi üçün vacib heç nə yoxdur, ancaq “dünya şöhrətli oftolmoloq” Zərifə Əliyevanın 93 illiyinə həsr edilmiş təntənəli təbir haqqında məlumat var!

Mənə jdanovluların, yəni beyləqanlıların “dünya şöhrətli oftolmoloqu” tanımağı mənə qəribə gəlir. Tətkcə beyləqanlıların yox. Rusiyada hər hansı rus oftolmoloqundan Zərifə Əliyevanı soruşun, görərsiniz ki, bu adı heç vaxt eşitməyiblər…

Beyləqanlıların yəni başqa dərdi yoxdur?

İndi Moderator.az  saytının bu xəbərinə baxın:

“Dünyanın nüfuzlu elmi jurnalı mərhum akademik Cəlal Əliyevi yad etdi

Dünya Fotosintez Cəmiyyətinin elmi jurnalında mərhum akademik Cəlal Əliyevin xatirəsinə həsr olunan məqalə çap edilib.

Moderator.az xəbər verir ki, Dünya Fotosintez Cəmiyyəti dünyanın ən nüfuzlu elmi mərkəzlərindən biridir. Onun orqanı olan “Fotosintez risöç” jurnalında Cəlal Əliyeva həsr olunan məqalə “Böyük alim, böyük müəllim, böyük şəxsiyyət” adlanır. 

Məqalənin müəllifləri AMEA-nən Mikrobiologiya İnstitutunun direktoru akademik İradə Hüseynova, professor Süleyman Allahverdiyev və professor Qovinçidir. 

Məqalədə akademik Cəlal Əliyevin elmi fəaliyyətindən bəhs olunub. Həmçinin onun Biotexnoologiyalar, Molekulyar Biologiya İnstitutlarını yaratması önəmli hadisə kimi qeyd edilir»

Məsələ burasındadır ki, sğzü gedən yazı məqalə deyil, başsağlığıdır, xatırlamadır. Özü də Cəlal Əliyevə bu tərifləri verən jurnal deyil, xatırlamanı yazmış iki azərbaycanlıdır: Irada M. Huseynova və Suleyman I. Allakhverdiev. İrada xanım Cəlal Əliyevin tələbəsi olub. (özü də haralı olsa yaxşıdır? Əlbəttə, naxçıvanlı!). Cəlal Əliyev Allahverdiyevin tədqiqat məsləhətçisi olub. (The first author (IMH) of this Tribute was Jalal Aliyev’s student, and then co-worker until the last day of his life. Professor Aliyev was the first research adviser of the second author (SIA)). (Burda üçüncü adam da var, Hindistan alimi, 84 yaşındadır, iki dəfə Bakıya Cəlal Əliyevin təşkil etdiyi tədbirə gəlib. Şübhəsiz ki, Bakıda onu yaxşı yağlayıblar, o da bu xatirə yazısını jurnala təqdim edib.

Yəni Cəlal Əliyev haqqında bütün gurultuu sözləri iki azərbaycanlı deyib. Vəssalam!

Yəni bunlar maya qoyub hardasa özlərini gözə soxurlar, sonra özləri özlərini sitat gətirirlər. Belə üsuldan Eynulla Fətallayev tez-tez istifadə edir. Yəni bütün bu zurnalistlərin vahid rəhbərliyi var.

Yəni millət qırılacaq, kəndlər dağılacaq, anaların ürəyi parçalanacaq, bular isə keflərindən qalmayacaqlar.