YADİGARIN DASTANI

Müsavat başqanının müavini Yadigar Sadıqova Lənkəran məhkəməsi altı il iş kəsib. Lənkəranın müharibə əlilləri, pensiyaçılar, əlsiz-ayaqsızlar altı il qorxmadan küçəyə çıxa biləcəklər. Bu cənab Yadigar Sadıqov onlara qan uddururmuş. Harda Qarabağ əlili görürmüşsə, yıxıb sürüyürmüş. Bir qıçı olmayanln o biri qıçını da vurub sındırırmış.Hərdən lənkəranlılarla gözü doymurmuş, gedib Cəlilabad, Biləsüvar, Saıyan əlillərinin də qatırmış bir-birinə. Salyanda Yadigardan vaxtlilə qoçu Səmiddən, qoçu Ərəstundan qorxduqları kimi qorxurlarmış. Əlillərdən başqa, Yadigar yapçıların da anasını ağladırmış. Yadigar küçəyə çıxan kimi bütün yapçılar fləşmob keçirib hərəsi bir deşiyə girirmiş. Yadigar Sadıqov hələ bu xalqı çox qırıb-tökəcəkmiş, ancaq söz gedib çıxır zat-aliləri möhtərəm prezident İlham Əliyevə. Zat aliləri minib cin atına və deyib: “Bu ölkənin qanuni prezidenti mənəm! Əlsiz-ayaqsızları ancaq mən əsir-yesir edə bilərəım. Qarabağ əillərinin anasını ancaq mən ağlada bilərəm. Yapçıları dəlmə-deşiyə ancaq mən soxa bilərərm! Yadigar kimdir ki, mənimlə ayaq-ayağa verir! Basın dama, mən xalqımın təhlükəsizliyinin zaminiyəm!”

İndi Lənkəranın və ətraf rayonların əhalisi azad nəfəs alır. Salyanlılar yenə qorxusuz-ürküsüz səhərdən axşamacan tində dururlar. Qarabağ əlilləri bir-birlərinin pəncərələrini əsalarıyla döyüb gözaydınlığı verirlər…

 

13.01. 2014

NƏ XƏBƏR VAR, MƏŞƏDİ

       Sabirə nəzirə

 

Nə xəbər var, Məşədi?

— Sağlığın.

-Az-çox yenə də.

— Benzinin qiyməti qalxmış təzədən.

-Eşşəyə mindirəcək milləti bunlar deyəsən.

-Məşədi, ayrı nə var?

Söylə siyasi durumdan mənə açıqlamalar.

— Qəmbərin partiyası xalqa mesaj göndərmiş,

Milli şuradan o, üz döndərmiş.

— De “sən öl”!

— Sən öl!

— Məşədi, valla, yıxılmış evimiz,

İsa bəy getsə, yetim qaldıq biz…

ATASININ GÖZZZƏL BALASI

Bir anlığa təsəvvür edək ki, İlham Əliyevin qızı ya oğlu ölümlə nəticələnən avtomobil qəzası törədib. Əlbəttə, prezidentin uşağı türməyə salınmayacaqdı və hadisə ört-basdır ediləcəkdi. Ancaq bütün müxalifət dayanmadan qıyya çəkəcək, özünü yırtacaqdı ki, prezidentin uşaqları qudurub camaatı qırır. Nazir uşağı, icra başçısının uşağı törədən qəza da müxalifət tərəfindən belə qarşılanacaq.

Eləsə bəs niyə müxalifətçinin qızının qəza törədib adam öldürməyi az qala milli qəhrəmanlıq aktına çevrilir? Qız uşağının türməyə düşməsi – fövqəladə haldır, buraxıblar – yaxşı. Ancaq bu, ölənin qanını onun vicdanından təmizləmir. Ölənin oğlu öz atasının qanını müxalifətçi qudurğanına bağışlaya bilər, hətta anasını da qurban edə bilər, ancaq bu özü də törənən hadisədən cinayət tərkibini çıxarmır.

Məsələ, əlbəttə, qızın türmədə qalıb-qalmamağından getmir. Məsələ hadisəyə münasibətdən gedir. “Nigar gənc və gözəl xadimdir” – bu, Müsavat qəzetinin hadisə törənəndən sonra Nigar xanıma verdiyi xasiyyətnamədir. Gənc və gözəl! Xadimin gözəlliyi də vacib imiş və “gözəl” xadimlərin qəza tərədib adam öldürməyində pis heç nə yoxmuş…

Bu hadisəyə münasibət müxalifət sayılan zümrənin iç üzünü açır və göstərir ki, bu zümrədəki adamların çoxu iqtidardan heç də yazşı deyil, bunlar da hakimiyyət başına gəlsələr, öz adamlarının cinayətlərini ört-basdır edəcəklər, özləri cinayət törədəcəklər, adam oğurlatdıracaqlar. Yəni iqtidarda olan tayfaçılıq, traybalizm eynilə müxalifətdə də var.

Bir sıra aqressiv, utanmaz və sırtıq adamların fəaliyyəti əslində bütün müxalifəti hörmətdən salır. Yəni ki, bu əxlaqsız adamların səyi nəticəsində İlqar Məmmədov kimi qüdrətli siyasətçi ilə atasının balası gözəlçə Nigar xanımın həbsləri eyniləşir və təbii kimi, kütlədə bunun hər ikisinə ya biganə ya da neqativ münasibət yaranır.

Demokratik ölkələrdə, xüsusən ABŞda, sənədsiz maşın sürməyin özü türmə ilə nəticələnə bilər. Hələ adam öldürmək bir yana – bu halda uzun illər həbs cəzası kəsilə bilər. Əgər amerikalıları nümunə sayırsınızsa, amerikalılar kimi olun. Ola bilmirsiniz, çünki tayfa instinktləriylə yaşayırsınız…

Nigar xanımın verdiyi müsahibələri oxuyursan, görürsən ki, bu qızın intellekti beşinci sinif şagirdi səviyyəsindədir. Yəqin ki, Müsavat qəzeti gözəl xadim deyəndə üz gözəlliyini nəzərdə tutur. Azərbaycanda da rəhbər ataların uşaqları həmişə gözəl olurlar…

GÖZZZƏL MİLLƏT…

04.03. 2013

INDI MÜXALİFƏTİN DƏ ÖZ MİLLİ QƏHRƏMANI VAR…

Azərbaycanda müxalifətçi üçün avtomobil qəzası törədib başqa bir müxalifətçini öldürməkdən şərəfli şey yoxmuş – türmədən buraxılmış Nigar Yaqubluya müxalifət mətbuatının marağı elədir ki, deyərsən bu qız Azərbaycanın ilk kosmonavtıdır ya düşmən mövqeyinə keçib xeyli canlı qüvvə məhv etmiş əsgərdir. Əlbəttə, o, qəzanı bilərəkdən törətməyib, partiya yoldaşını bilərəkdən öldürməyib, ancaq qəza törədib və adam öldürüb. Niyə görə elə həmin gün partiyada tutduğu vəzifədən istefa vermir? Niyə adam öldürdüyünə görə başına torpaq sovurmaq əvəzinə yaxın adamlarının ona görə yaşadıqları həyəcandan danışır? Bəs ölənin yaxınlarının yaşadığı faciə?

“Demokratik” cəbhə düşünürsə ki, əxlaq normalarını yalnız dövlət məmurlarından tələb eləmək olar, ciddi səhv edir. Atasının sədr müavini olduğu partiyada gənclər təşkilatının sədri olan bu qız bilmir ki, insan ölümü ilə nəticələnən belə qəzadan sonra onların özlərinə nümunə saydıqları qərb siyasətçiləri dərhal istefa verirlər.

Əlbəttə, iqtidarda əxlaq yoxdur. Ancaq bu əxlaq elə müxalifətdə də yoxdur…

QIRIN BİR-BİRİNİZİ…

 Avtomobil qəzası törədib müsavat üzvü  Aydın Acalovu öldürmüş başqa müsavat üzvü Nigar Yaqublu azadlığa buraxılıb. Deyilənlərə görə, əvvəl prezident ölənin müsavatçı olduğunu bilmirmiş. Biləndən sonra deyib ki, açın buraxın, qoyun qırsınlar bir-birlərini…