Şeirində Həmzətov Rəsul bir zaman
Demişdi: “cəbhədən geri dönməyən
Əsgərlər torpağa gömülməyiblər,
Onlar ağ durnadır, göydə qıy vuran.”
Bənzəsə də bütün müharibələr,
Hökmən bir-birindən fərqlənir onlar.
Bu fərq tərəflərin məqsədində var,
Və qəhrəman deyil ölən hər əsgər.
Durna qatarları keçir qara, ağ,
Göydə tükürpədən qıyyalar dinir.
Baxıram, indiki rus əsgərinin,
Sırada yerini görmürəm ancaq…
19. 06. 2026, Samara
Yüzlərlə, minlərlə qalxıb ayağa,
Putin Ukraynaya girəndən bəri
Rəsul Həmzətovun həmvətənləri
Gedirlər savaşda pul qazanmağa.
+
Təpikdə, yumruqda kim ki, çevikdir,
Çənə dağıdan da, qulaq cıran da,
Badalaq quran da, bıçaq vuran da,
Adam öldürməyə günəmuzd gedir.
+
Özgə qoltuğunda qərar tutan xalq!
Çənə dağıtmaqda usta, peşəkar!
Özünü azad və əyilməz sayar,
Özgəyə xidmətlə yaşayar ancaq.
+
Həmzətov Rəsulun gedir yerlisi,
Gedir həmvətəni, soydaşı gedir,
Ukrayna dağlıya qazanc yeridir,
Qazanır ölüsü, həm də dirisi.
+
Yalandır, əlbəttə, durna söhbəti,
Tankda ya səngərdə yanıb qaralan,
Raketlə ya külü göyə sovrulan
Muzdlunun heçlikdir yeri əbədi.
+
Dönməz ağ durnaya Rəsul deyən tək,
Kim qazanca gedib qan tökər, ölər.
Yəqin bir ağ Lada ala bilərlər,
Putindən evinə qan pulu gəlcək.
+
Rəsul Həmzətovun həmvətənləri —
Ləzgi, tabasaran, avar ya da ki,
Muzdla qan axıdır, muzdla qan tökür,
Putin Ukraynaya girəndən bəri.
+
Özgə qoltuğunda ömür sürən xalq,
Özü xəbərsizdir köləliyindən,
Şücaət göstərib ölər bəlkə də,
Çevrilməz qanadlı quşlara ancaq.
18. 10. 2022, Samara
xeyrulla xayal 