Архив тегов | şiələrin sayı

HACI ŞAHİN: «KƏBƏ YOL NİŞANIDIR, ONUN BAŞINA DOLANMAQLA MƏŞQ ELƏYİRSƏN…»

Mərhum Hacı Şahin Həsənlinin çox maraqlı bir çıxışı var, əslində bu, böyük bir moizənin bir neçə dəqiqəlik fraqmentidir, ancaq bu fraqment müasir şiəliyi, o cümlədən Azərbaycan şiəliyini başa düşmək üçün çox qiymətli sənəddir. Bu, fransızların dediyi frofession de foi- dır, yəni Azərbaycanın çşiə toplusunun tanınmış, populyar spikeri bu məzhəbin mahiyyətini elan edir və qeyri- şiə məzhəblərə münasibətini açır.

Şahin Həsənli bunları deyir – mən çalışdım ki, nitqi olduğu kimi səsindən yazım:

“ İmam Kəbə kimidir

Gəlin təvaf eliyin Kəbəni

Zəhradan başqa Kəbəni təvaf eliyən yoxdur, qalannarı üz çevirib gediblər

Daş evə təvaf eliyillər, imamət Kəbəsini buraxıbllar

Bu gün də deyəndə ki filan şey Kəbədən üstündür, adamı öldürüllər

Elə bil deyiblər ki, Kəbədən üstün heç nə yoxdur

Kim deyib bunu?

Kəbədən üstün mömin var, peyğəmbər bunu buyurur

Möminin hörməti Kəbədən üstündür

İmamın hörmətini müqayisə eləmə

Onlara daş Kəbəni vermişdilər, Kəbə yol nişanıdır hədəfi göstərir, onun başına dolanmaqla məşq eləyrsən ki, canlı Kəbəni tanıyasan, onun başına dolanasan

O Kəbəni at qırağa, get dolan Kəbənin başına.Yetmiş ik nəfər  bu Kəbənin başına dolanırdı, yüz min nəfər daş Kəbənin başına dolanırdı  onu imam yarımçıq qoydu getdi, bilinsin ki, kim həqiqətən kəbəyə iman gətirib, kimsə daşa bütpərəstlik eləyir.

İmamətsiz həcc bütpərəstlikdir İmam Kəbə kimidir…”

+++++++++++++++++++++++++++++++++++++++

Qısa desək, Şahin Həsənli bütün qeyri-şiə məzhəbləri, əslində sünnüləri, bütbərəst elan edir və Kəbənin başına dolanmağı idman məşğələsi sayır. Xatırladıram ki, şiələr bütün müsəlmanların yalnız 10-15 faizini təşkil edirlər. Yəni Azərbaycan şiələrinin fikrincə müsəlmanların 85-90 faizi əslində bütpərəstdir, şiə imamını Allaha bərabər tutmayanlar kafirdirlər… Yəni bu çalmalılar nə qədər sülhdən, mehribanlıqdan danışsalar da, əbalarının cibində ülgüc gəzdirirlər. Yəqin sünnü ruhanilərinin də ciblərində kəsici ya deşici alət tapılar… Bunlar, bizim kən arvadları demişkən, şər bardağıdırlar…

Mən indi mərhum cənab Həsənlinin başqa videolarına da baxıram, yəqin o, hardasa sünnülərin quyruqlu olduqlarını da deyib. Şəxsən eşitmək istəyirəm…

14. 11. 2026, Samara

ŞƏHİDLƏRİN XATİRƏSİNİ TƏHQİR EDƏN İKİ-ÜÇ ƏRƏBDİR YA ÖZ HARINLARIMIZ?

Üçüncü dünya müharibəsi başlanıb – xəbəriniz var?

Yox, mən Qəzzanı, Ukraynanı, Yəməni və s. nəzərdə tutmuram. Üçüncü dünya müharibəsi Azərbaycanda gedir. Və azərbaycanlılar, əsasən yuxarının, buyruğu ilə, gah farslarla, gah fransızlarla, gah ruslara, gah ərəblərlə vuruşurlar. Evlərindən, yəni ölkədən qırağa çıxmadan vuruşurlar. Ölkədən bəlkə çıxardılar. Ancaq İlham Əliyev damın qapısını, daha doğrusu ölkənin sərhədlərini bağlayıb, ona görə qəhrəman millətimiz elə evin içində böyük-böyük millətləri yıxıb-sürüyür. İndi ərəb cəbhəsində millətimizin ən fəal oğulları və qızları səngər döyüşləri aparılar. Yəni sosial şəbəkələrdə qan da olmasa, sel kimi təl axıdaraq ərəblərə üzücü zərbələr endirirlər. Rus, fars cəbhəsində taktiki döyüşlər davam edir. Müşahidəçilər erməni cəbhəsində nisbi sakitliyin yarandığını qeyd edirlər…

Ərəblərlə qəhrəman xalqımızın müharibəsi qısa fasilələrlə uzun illərdir ki, davam edir. Bu günlərdə bir neçə ərəb bizim qəbiristanlıqda tərbiyəsizlik edəndən sonra qəhrəman xalqım mərhum Aslan İlyasovun ifasında “Öldü var, döndü yox” mahnısını sifariş verərək könüllü səfərbər olub. Döyüşlər səngimək bilmir…

Bakıda bir xanım var… Gültəkin Hacıbəyli. Düzü, arxayın deyiləm ki, indi o, Bakıda olar. Çünki, deyilənlərə görə, Gültəkin xanım gəzəyəndir. Yəni başqa ölkələrə gedib-gəlir, ürəyinizə ayrı şey gəlməsin. Hə, bu gülyanaq xanım yazır ki, biz ərəblərin şəhidlərini min beş yüz ildir ki, yas tuturuq, ərəblər bizim şəhidlərimizi təhqir edirlər…

Gültəkin Hacbəylinin şəklinə baxıram, görürəm ki, bu xanım nəinki min beş yüz il, heç on beş gün yas tutana oxşamır… Deyək ki, tutur. Yəni şiə imamlarına. Ancaq bir vacib məsələ var: qəbiristanlıqda tərbiyəsizlik edən ərəblər şiədirmi? Axı ərəblərin cəmi on-on beş faizi şiədir. Və o tərbiyəsizlərin də şiə olmağı zəif ehtimaldır. Yəni Gülyanaq, yəni Gültəkin xanımın məsələyə ”əvəz-əvəzlik” yanaşımı yersizdir. Məişət xuliqanlığına, ictimai yerdə nalayiq hərəkətə siyasi, dini don geydirmək ciddi siyasətçiyə yaraşmaz. İki-üç nəfərin tərbiyəsizliyini bütün ərəb dünyasına aid eləmək primitivlik, ibtidailikdir, kollektiv cəza prinsipi isə totalitar zehniyyətin xassəsidir.

Azərbaycanda on minlərlə yuyulmamış ağızdan ərəblərə qarşı nifrət yağır, onları Azərbaycana buraxmamaqq, artıq gələnlərini isə dallarına təpik vurub qovmaq tələb edilir. Bir müsəlman soydaşımız yazır ki, evi məscidin yanındadır, bir dəfə də görməyib ki, bir ərəb məscidə gəlsin, ancaq Bakı fahişələrinə “paka-paçka” pul xərcləyirlər.

Müsəlman soydaşımız məscidə gələnlərin içində ərəbi ərəb olmayanlardan necə ayırır? Deyək ki, Allah ona istedad verib, tükü tükdən seçir. Ancaq ərəblərin Bakı fahişələrinə “paçka-paçka” pul xərclədiyini hardan bilir? Bəlkə sutenyordur? Bəlkə ozlərini ərəblərə satan qızların içində onun qohumları da var? Bakı fahişərərinə pulu elə ərəblər xərcləyirlər? Bəs öz harınlarımız?

Deyək ki, ərəbləri qovuruq. Bəs birdən ərəblər deməzlər ki, muğamatımızı da özümüzlə aparırırıq? Deməzlər ki, dilinizin söz ehtiyatının yarıdan çoxunu da aparırııq? Deməzlər ki, əruzu aparırırıq? Deməzlər ki, adlarınızın çoxunu aparırıq? Deməzlər ki, məktəbi, kitabı aparırıq?

Biz atəşpərəst omuşuq ya olmamışıq? İranda atəşpərəstlərdən indiyəcən qalanlar var. Ölənlərini aparıb qoyurlar qayalıqlara, qurd-quş gəlib dağıdır. YouTube-da baxa bilərsiniz… Yəni demək istəyirəm ki, dəfn mərasimimiz, qəbiristanlıq mədəniyyəti də elə ərəblərdən gəlmədir…

Gəlin ərəbin kitabını, musiqisini, şeirini qaytaraq. Gəlin avropalı paltarlarımızı soyunaq. Gəlin ölülərimizi aparıb qoyaq dağın başına, qurd-quşa yem edək…

Səməd Vurğun deyirdi ki, guya bizim “çoban torpağı nizamilər, füzulilər yetirib”.

Ağ yalandır. Füzülini Kərbəla yetirib. Nizaminin beşiyi fars ədəiyyatdır. Gəncə quldur icra başçılarıyla idarə olunan “çoban torpağına” çevriləndən orda heç nə bitmir…

Müəllimlərə qarşı hörmətli olaq. Müəllim millətlərlə dünya müharibəsinə qalxmayaq.

Şəhidlərimizi iki-üç tərbiyəsiz ərəb yox, Qarbağ müharibəsi zamanı Bakının küələrində milyonlarla dəyəri olan maşınlar sürən, xalqdan oğurlanmış pullarla dünyaın müxtəlif guşələrində kef eləyən harınlar təhqir edib… Azərbaycan zənginlərinin həyat tərzinə baxın, görərsiniz ki, şəhidlərin xatirəsini kim təhqir edir…

Torpağın azadlığı uğrunda həyatlarının itirmiş oğulların xatirəsini indi xalqın ən yaxşı oğul və qızlarını türmlərdə çürüdənlər təhqir edirlər.

Ərəblər yox…

X.X.

19. 08. 2025, Samara