İrandan qovulur nə vaxtdan bəri,
Yer tapa bilmir ki, canını qoysun.

Qayıtmaq istərdi əlli il geri,

Qoruyanı vardı o vaxt bir qoşun.

Ciddi yaralanıb, quduzdur yəqin,
Toxunsa, öldürər, geci-tezi var.

Başda yer eləsə, düşməyi çətin,
Bir başı örtəndə min baş ağrıdar.

Qovur kürd qızı da, fars qadını da,

Çırpılır, qalmayıb salamat yeri.

Ayrı baş axtarır qona yenə də,
Bizi hədəf alıb nə vaxtdan bəri.

Bizdəsə qapılar açıq taybatay,

Yarıyuxuluyuq, salan yox haray…

 23. 10. 2026, Samara