Hansı zirzəmidənsə,
İndi çıxıb, bilinir.
Oğru tək baxır, əsən
Qapqara əllərini
Qaldırır ağır-ağır.
Gün işığı bəlkə də,
Gözlərini ağrıdır,
Bəlkə də üzündəki
Qançırları gizlədir.
Belə yəqin yaşınıb,
Yumruq zərbələrindən,
Zirzəmi yoldaşının.
Baxmır gəlib-gedənə,
Tapdığını gövşəyir.
Dadı yox yediyinin,
Ya ağrıyır dişləri –
Gözlər elə bil indi,
Hədəqədən çıxacaq.
Yaşamaq şirin şeydi,
Həyatdadır acılıq…
11.04. 2008 Samara
