Spleen

Yaşım mindir elə bil, o qədər xatirəm var,
Böyük dolab, yığılıb gözlərində hesablar,

Rəsmi sənədlər, roman, şeir, sevgi məktubu,
Ağır saç kəsikləri qəbzlərlə burulub.

Burda sirr kədər dolu beynimdəkindən də az,

Bu bir piramidadır, bu bir nəhəng sərdaba.

Bura qardaş qəbrindən tutar daha çox meyit,

 — Mən qəbiristanlığam, ay mənə nifrət edir.

Uzun qurdlar sürünür peşmanlıq ağrısı tək,

Ən əziz ölülərin üstünə tökülərək.
Solğun çiçəklər dolu buduaram mən qədim,

Hara baxsan, atılıb zamanı keçmiş geyim.

Ağımtıl və hüznlü pastelləri Buşenin,

Qoxusunu alırlar ağzı açıq şüşənin.

Uzunluqda bu axsaq günlərə yox bərabər,
Qarlı illərin ağır lopaları tökülər.

Yaslı inamsızlığın acı meyvəsi qüssə,
Qəlbi bürüyər, alar ölümsüzlük miqyası.
Daha bil indən belə, ey həyati maddə, sən!
Qorxular döyəcləyən bir parça qranitsən.

Ilğımlı Saharanın ucqarında uyuyan,
Qoca bir sfinks, onu almır eyninə dünya.

Silinib xəritədən və ovqatı yamandır,
Nəğmə demək həvəsi gələr günəş batanda.

Fransızcadan tərcümə

07-08.06.2018

Samara

Le Beau Navire

Sadalamaq istərəm, incə, füsunkar pəri,

Gəncliyini bəzəyən bütün gözəllikləri.

İstərəm hüsnünün rəsmini çəkim,
Göstərəm uşaqsan sən, həm də yetkin.

Gen tumanla gedəndə sən havanı titrədib,
Elə bil ki, dənizə çıxan gözəl gəmidir.
Yelkən açıq, yollanır,
Gedir incə ritmlə, tələsmədən və ağır.

Uzun, yumru boynunda, dolu çiyinlərində,
Qürurla duran başın məlahətli, incədir.

Gedirsən öz yolunla.

Müzəffər ifadəli, nazlı, möhtəşəm bala.
Sadalamaq istərəm, incə, füsunkar pəri,

Gəncliyini bəzəyən bütün gözəllikləri.

İstərəm hüsnünün rəsmini çəkim,
Göstərəm uşaqsan sən, həm də yetkin.

İpək köynəyi sənin sinən deşir az qala,

Sənin müzəffər sinən bənzər gözəl dolaba.
Onun işıqlı və girdə gözləri

Sipər tək şimşəyi özünə çəkir.

Al uclarla silahlı, sipərlər azdırandır,
Gözəl şeylər və şirin sirlər var bu dolabda,

Şərablar, likörlər, incə ətirlər,
Toxunan beyinlər ağlı itirər.

Gen tumanla gedəndə sən havanı titrədib,
Elə bil ki, dənizə çıxan gözəl gəmidir.
Yelkən açıq, yollanır,
Gedir incə ritmlə, tələsmədən və ağır.

Paltarını titrədikcə gözəl ayaqlarından,
Ehtiraslar yaranar dumanlı, can ağrıdan.

Sanki iki cadugar,
Dərin camın içində qara zəhər fırladar.

Qolların Heraklı da bəlkə utandırardı,

Elə bil ki, möhtəşəm onlar iki boadır.

Yaranıblar sevgilin elə bir ehtirasla,
Sıxıla ki, sinənə möhür kimi basıla.

Uzun, yumru boynunda, dolu çiyinlərində,
Qürurla duran başın məlahətli, incədir.

Gedirsən öz yolunla.

Müzəffər ifadəli, nazlı, möhtəşəm bala.
fransızcadan tərcümə

06.06. 2018

Samara

Qeyd: şeirin üç bəndi təkrar olunur- orujinalda belədir

         L’Idéal

Nə vinyetlərdən baxan gözəl-gözəl şəkillər,
Eyibli hər nə varsa çürük əsr yaradan,
Nə bəzəkli ayaqlar, nə kastanyetli əllər,

Razı salmaz heç zaman mənimki tək ürəyi.

Qoy xloroz şairi Qavarni vəsf eləsin,
Сikkildəşən bir qatar naxoş gözəllikləri

Əlvan idealıma bənzəyən bir gülüsə,

Tapmaram arasında bu solğun çiçəklərin.

Uçurum kimi dərin ürəyimsə tələb,
Ledi Makbet, sizsiniz, cani və qüdrətli qəlb.

Küləklər diyarınndan gələn Esxil xəyalı;

Ya Mikelancelonun qızı, möhtəşəm Gecə,
Qəribə bir pozada qıvrılaraq dincələn,

Döşün bu şəklə düşmüş ağzında Titanların.

Fransızcadan tərcümə

06-07.06. 2018

Samara

   Le Revenant
Vəhşi heyvan gözlü mələk kimi mən,
Yataq otağına yenə dönərəm.

Bürünüb gecənin kölgələrinə.

Sivişib yanına səssiz girərəm,
Mən səni ay kimi, mənin əsmərim,
Soyuq öpüşlərə qərq eləyərəm.

Məzar ətrafında qıvrılan ilan

Nəvazişlərini məndən alarsan.

Solğun, ayaz səhər açılan kimi,

Adamsız görərsən mənim yerimi.

Ordan soyuq getməz axşama qədər.

Əgər başqaları mehribanlığa

Əl atırsa sənə yaxın olmağa,

Mən sənə qorxuyla yiyələnərəm.

Fransızcadan tərcümə

01-02.06. 2018

Samara

 Qədim çıraqaltlığı
Amur çıxıb kəlləsinə,
Bütün bəşəriyyətin,
Gəlir ordan gülüş səsi,

Yox neç nəyə hörməti,

Nəfəsindən kürəciklər,
Yaranır ədəbsizin.

Dünyaları elə bil ki,

Qovuşdurmaq istəyir.
İşıqlı və kövrək kürə,

Birdən uçub yüksəlir,
Qəlbini əzir tüpürür,
Altın bir arzu kimi.

Eşidirəm kəlləni, hər

Kürəcikdə yalvarır:

“Zalım oyun çoxmu sürər,

Deyin, sona vararmı?

Müdhiş qatil, çünki sənin

Çeynəyərək atdığlın,
Mənim qanım, mənim beynim,

Mənim dərimdir axı!”

1 iyun 1855-ci ildə çap olunmuşdur

Fransızcadan tərcümə

01.06. 2016

Samara