У РОССИИ НОВЫЙ НАЧАЛЬНИК

nar

Главой Госдепа США стал Джон Керри, бывший кандидат в президенты. Как утверждает депутат-единоросс  Евгения Федоров, Владимир Путин направил поздравительную телеграмму своему новому начальнику.

 

30 янв, 2013 at 9:22 PM

Реклама

AYAQQABI MƏSƏLƏSİ

 

Yadımdadır ki, uşaq vaxtı bizə istəkli qonaq gələndə getməsini istəməzdik və qalmağına yalvar-yaxarımız boşa çıxanda qonağın ayaqqabılarını gizlədərdik…

Samaraya qayıtmaq vaxtı çatanda Bakıya gəldim və vağzala gedib bilet almaq istədim. Bütün kassirlər and-aman elədilər ki, heç bir günə və heç bir reysə biletləri yoxdur. Başınız haqqı, mənə elə gəldi ki, mənə qəsdən bilet vermirlər, yəni çox istəyirlər məni, buna görə razı deyillər mən Azərbaycandan çıxıb gedim.  Hələ ürəyimə gəldi lki, yəqin bunlara prezident Əliyev özü tapşırıb ki, Mirzə Əlili qoymayın gedə, qoca kişidir, otursun öz vətənində, cızma-qarasını eləsin. Vallah, elə təsirləndim ki, gözlərimdən yaş sel kimi axdı…

Ancaq məsələnin nə yerdən olduğunu öyrənəndə lap hönkür-hönkür ağladım. Məlum oldu ki, biletlər hamısı alverçilərdədir və iki qat bahasından ucuz vermirlər…

Vallah, mən bu fikrə düşürəm ki, Bakı vağzalı çoxdan işğal altındadır, alverçilərin, valyuta möhtəkirlərinin işğalı altında. Polislər də çoxdan keçiblər onların tərəfinə, qabaqlarında tula kimi quyruq bulayırlar. Əlbəttə, prezident bu vağzala gəlmir, ancaq uca kabinetinin pəncərələrindən baxsa, buranı yaxşı görər və bilər ki,paytaxt vağzalını millətin qaniçən düşmənləri tutublar. Yəqin ki, hərdən-hərdən baxır da və görür də. İndi burda sual ortaya çıxır ki, bunu prezident görürsə, niyə qüvvə göndərib strateji obyekt olan vağzalı azad etdirmir. İstəmir yaxud belə qüvvəsi yoxdur? Və əgər prezidentin qüvvəsi, şəkililiər demişkən, ağzının içində olan vağzalı alverçi əsarətindən qurtarmağa çatmırsa, torpaqlarımızı erməni işğalından azad etməyə qüvvəsi çatarmı?

Bəlkə də siz deyərsiniz ki, çatar. Bəs onda niyə eləmir? Vallah, vağzalımız azad olan kimi Mirzə Əlil hamınızı qonaq çağırar, sonra hələ sabahı günə saxlamaqçın ayağınıza düşər, ayaqqabılarınızı gizlədər…

 

Mirzə Əlil

 

Ocaq qəzeti, sentyabr-2006

 

 

A.V. KOLTSOV. QOCANIN NƏĞMƏSİ

                           

 

Yəhərlərəm atımı,

Atımı-qanadlımı.

Şahindən iti, yeyin,

Çaparam, uçaram mən.

 

Düzləri, dənizləri,

Ötüb, keçib gedərəm.

Çataram, haraylaram,

Gəncliyimi geriyə.

 

Qayıdaram yenə mən,

Dəliqanlı, şux, zirək.

Gözəllərin xoşuna,

Gələrəm əvvəlki tək.

 

Əfsus! Bir yol tapılmaz,

Bir yolluq gedənlərə!

Doğmayacaq heç zaman,

Günəş necə ki, qərbdən!

1830

МЕЧТЫ ГАРИКА СУКАЧЁВА СБЫВАЮЮТСЯ

nar

Гарик Сукачёв на своём мотоцикле «Харлей Дэвидсон» сбил пешехода на Новосходненском шоссе в Москве. Раньше музыкант сбивал людей на автомобиле, на катере. В эксклюзивном интервью журналистам Life News

Г-н Сукачев в больнице заявил, что теперь у него осталась одна неосуществленная мечта: совершить авиа налет на Москву.

30 янв, 2013 at 4:37 PM

QƏBİRQAZAN HEYDƏRƏLİ KİŞİ VƏ YA HƏYAT HAQQINDA NƏĞMƏ

 

Ehey! Heydərəli kişi!

Bülövə çək belini,

Paslanıb mən biləni.

Qara torpaq belinlə çox oyulub,

Gen kürəyin min yol tərlə yuyulub.

Qoca-cavan əlinlə çox qoyulub,

Məzar adlı otaqda,

Soyuq, tənha otağa.

 

Ehey! Heydərəli kişi!

Elə çək ki bülövü,

Göyə qalxsın alovu.

Zəif qadın əlləriylə gətirdin,

Kobud kişi əlləriylə ötürdün –

Qoca dünya, bu oyundu, ya nədi,

Çıxarırsan bizlə sən?

Usanmadın hələ sən?

 

Ehey! Heydərəli kişi!

Bülöv nə çox, bel nə çox,

Təpə nə çox, çöl nə çox.

Ölüm deməz bu cavandı o qoca,

Macal verməz ömür sürək doyunca.

Bir əvvəlin, bir sonucun tapmaca,

Qalanın da nağıldı, —

Həyat, daha nə qaldı?

 

Ehey! Heydərəli kişi!

Torpağa sanc belini,

Tər islatsın belini.

Nə bilirsən arzu nədi, kam nədi,

Hansı çıraq axıracan yanmadı.

Min yol qazdın, bir yol belin sınmadı,

Nə möhkəmmiş sapı, hey!

Tiyə çətin qopa, hey!

 

Ehey! Heydərəli kişi!

Bülöv çək od çıxınca,

Döndər beli qılınca.

Ölüm kimi qara rəngli torpaqdan,

Güllər bitir həyat rəngli al-əlvan.

Qorxutmayır bizi bu son imtahan,

Oy torpağı, qəmin kəm,

Qorxumuz yox ölümdən.

 

Ehey! Heydərəli kişi!

İŞdən qalsın əlin, hey!

Pas bağlasın belin, hey!

Tapmayasan bülöv, hey!

Heyyy…

 

                                22 sentyabr 1978, Ərəbqardaşbəyli